Hero Vijay Deverakonda: ఐస్​క్రీమ్​ సెంటర్​లో సందడి చేసిన హీరో విజయ్ దేవరకొండ

Hero Vijay Deverakonda visit the icecream store: హైదరాబాద్ కొండాపూర్​లోని ఓ ఐస్​క్రీమ్ స్టోర్​లో రౌడీహీరో విజయ్ దేవరకొండ సందడి చేశారు.  క్రీమ్​స్టోన్​ స్టోర్​లో సమ్మర్ స్పెషల్ ఐస్​క్రీమ్ ఫ్లేవర్స్​ను ఆయన ఆవిష్కరించారు . తన పుట్టినరోజు సందర్భంగా సరికొత్త ఐస్​క్రీమ్ ఫ్లేవర్స్​ను ఆవిష్కరించడం చాలా ఆనందంగా ఉందన్నారు. క్రీమ్​స్టోన్ సెంటర్ నిర్వాహకులు.. సమ్మర్ స్పెషల్​గా క్రీమ్​స్టోన్ వీడీకే పేరుతో సరికొత్త ఐస్​క్రీమ్ ఫ్లేవర్స్​ను అందుబాటులోకి తెచ్చామన్నారు. మ్యాంగో, ముంజ ఫ్లేవర్ ఐస్​క్రీమ్​లను తీసుకొచ్చినట్లు నిర్వహకులు ఫ్రాంక్లిన్ తెలిపారు. ప్రతి సంవత్సరం కొత్త కొత్త ఫ్లేవర్స్​లో కస్టమర్ల అభిరుచులకు అనుగుణంగా ఐస్​క్రీమ్స్​లను తీసుకువస్తున్నట్లు వివరించారు. విజయ్ దేవరకొండను చూడటానికి అభిమానులు పెద్ద ఎత్తున తరలివచ్చారు. అభిమానుల కేరింతలు, కోలాహాలతో అక్కడి వాతావరణమంతా సందడిగా మారింది. మంగళవారం విజయ్ పుట్టినరోజు సందర్బంగా అభిమానుల నడుమ ప్రత్యేకంగా తయారు చేసిన కేక్​ను ​కట్ చేశారు. అనంతరం చిన్నారులతో సెల్ఫీలు దిగారు. పలువురు మోడల్స్ పాల్గొని ఫోటోలకు ఫోజులిచ్చారు.