Harish Rao in Dussehra Celebrations 2023 : 'సీఎం కేసీఆర్ నేతృత్వంలో.. రాష్ట్రం అన్ని రంగాల్లో అత్యంత వేగంగా పురోగతి సాధించింది'

Harish Rao in Dussehra Celebrations 2023 : తెలంగాణ పాలపిట్ట ముఖ్యమంత్రి కేసీఆర్‌కు అండగా నిలుద్దామని వైద్యారోగ్య శాఖ మంత్రి హరీశ్‌రావు అన్నారు. దసరా పర్వదినాన పవిత్రమైన పాలపిట్ట సాక్షిగా ప్రమాణం చేసి రాష్ట్ర ప్రజలు.. కేసీఆర్‌కు అండగా నిలవాలని పిలుపునిచ్చారు. సిద్దిపేట జిల్లా నర్సాపూర్​లో విజయదశమి వేడుకల్లో పాల్గొన్న మంత్రి.. ప్రజలందరూ సుఖ సంతోషాలతో, ఆనందోత్సాహాలతో దసరా జరుపుకోవాలని కోరారు. రాష్ట్ర ప్రజల జీవితంలో దసరాను మించిన పండుగ లేదని.. ఈ పండుగలోనే  మన సంస్కృతి, సాంప్రదాయాలు దాగి ఉన్నాయని మంత్రి పేర్కొన్నారు. 

Harish Rao Dasara Celebrations at Siddipet : అమ్మవారి అశీస్సులతో ప్రజలు ఎల్లప్పుడూ సుఖ సంతోషాలతో ఉండాలని.. ప్రజలకు మరిన్ని విజయాలు అందించాలని మంత్రి ఆకాంక్షించారు. త్వరలోనే సిద్దిపేట వాసుల కల నెరవేరుతుందని పేర్కొన్నారు. దసరా నాటికి సిద్దిపేటకు రైలు తెస్తానని గత దసరా రోజు చెప్పానని.. అలాగే ఈ విజయదశమిలోపు సిద్దిపేటకు రైలు తెచ్చి దశాబ్దాల కల సాకారం చేసుకున్నామన్నారు. త్వరలోనే మరిన్ని కార్యక్రమాలకు శ్రీకారం చుడతామన్నారు. స్థానిక ప్రజల దీవెన, సీఎం కేసీఆర్ ఆశీస్సులతో సిద్దిపేట రాష్ట్రంలో ఎన్నో ప్రాంతాలకు ఆదర్శంగా నిలిచిందని మంత్రి స్పష్టం చేశారు. ముఖ్యమంత్రి కేసీఆర్​ నేతృత్వంలో రాష్ట్రం సుభిక్షంగా ఉందని.. అన్ని రంగాల్లో అత్యంత వేగంగా పురోగతి సాధించిందని మంత్రి హరీశ్‌రావు తెలిపారు.