ఎమ్మెల్యే క్యాంపు కార్యాలయం ఫర్నీచర్ తరలింపు - బీఆర్ఎస్, కాంగ్రెస్ కార్యకర్తల మధ్య వాగ్వాదం

Former MLA Shakil Followers Moving Furniture In Nizamabad : నిజామాబాద్ జిల్లా బోధన్ ఎమ్మెల్యే క్యాంప్ కార్యాలయం నుంచి ఫర్నీచర్ తరలించడానికి మాజీ ఎమ్మెల్యే షకీల్ అనుచరులు ప్రయత్నించారు. పార్టీ ఆపీస్​లో వాహనాన్ని గమనించి కాంగ్రెస్ కార్యకర్తలు పోలీసులకు సమాచారం ఇవ్వగా సామగ్రి తరలిస్తున్న వాహనాన్ని పట్టుకున్నారు. ఇద్దరు వ్యక్తులను పోలీసులు అదుపులోకి తీసుకున్నారు. కార్యాలయంలోని ఏసీలు, ఫ్యాన్లు, ఎల్ఈడీ లైట్లు, కుర్చీలు, టేబుల్​లు, వాటర్ ట్యాంక్​లు తరలించడానికి యువకులు యత్నించారు. కార్యాలయంలోని అద్దాలు, ఫాల్ సీలింగ్ యువకులు పగులగొట్టారు. 

Police Registered Case Against Former MLA Shakil Followers : పోలీసులు యువకులను విచారించగా ఎమ్మెల్యే షకిల్​ చెందిన సామాగ్రి అందుకే తరలించడానికి వచ్చామని తెలిపారు. ఆఫీస్​ నిర్వహణ చేసే వ్యక్తినని క్యాంపు కార్యాలయం వేరొక చోటుకు బదిలీ అయ్యిందని అందుకే సామాగ్రిని తరలిస్తున్నామని పోలీసులకు చెప్పారు. పోలీసులు వారిని స్టేషన్​కు తరలిస్తుండగా కాంగ్రెస్​ కార్యకర్తలు కాన్వాయ్​ను అడ్డుకున్నారు. దీంతో క్యాంప్ కార్యాలయం వద్ద ఉద్రిక్త నెలకొంది.