అంబులెన్స్​కు దారిచ్చిన సీఎం రేవంత్​ రెడ్డి - వీడియో వైరల్

CM Revanth Reddy Gives Way to Ambulance : ముఖ్యమంత్రి రేవంత్​ రెడ్డి మరోసారి మానవత్వాన్ని చాటుకున్నారు. సీఎం కాన్వాయ్​ వెళ్లే రహదారిలో అంబులెన్స్​ వస్తే, అంబులెన్స్​ను ఆపకుండా దారి ఇచ్చారు. ఇప్పుడు అందుకు సంబంధించిన విజువల్స్​ సామాజిక మాధ్యమాల్లో వైరల్​గా మారాయి. 

Revanth Reddy Convoy Gives Way to Ambulance : ముఖ్యమంత్రి రేవంత్​ రెడ్డి ఈరోజు తన నివాసం నుంచి సచివాలయానికి వెళ్తుండగా కేబీఆర్​ పార్క్​ వద్దకు వచ్చేసరికి అంబులెన్స్​ను గమనించారు. తన కాన్వాయ్​ కోసం అంబులెన్సును ఆపకుండా దారివ్వాలని భద్రతా సిబ్బందికి సూచించారు. దీంతో అంబులెన్స్​ ఆగకుండా వెళ్లిపోయింది. ఈ సంఘటనపై స్థానికులు ఆనందం వ్యక్తం చేస్తున్నారు. అలాగే ఫుడ్​ డెలివరీ చేస్తూ ప్రమాదవశాత్తు మరణించిన స్విగ్గీ డెలివరీ బాయ్​ కుటుంబానికి రూ.2 లక్షల ఆర్థిక సాయం అందించారు. ఎక్కువగా ప్రజల్లో ఉంటూ వారి సమస్యలను తెలుసుకుంటూ రేవంత్​ రెడ్డి మొదటి నుంచి ప్రజా సమస్యల పరిష్కారం దిశగా పయనిస్తున్నారు.