ఏపీ అభివృద్ధి చెందాలంటే చంద్రబాబును సీఎం చేయాలి: సీబీఎన్‌ ఫోరం

CBN Forum Vision-2047 Meeting at Madhapur : ఆంధ్రప్రదేశ్​లో అభివృద్ధి జరగాలన్న, అన్ని రంగాల్లో ముందుకెళ్లాలన్నా తెలుగుదేశం పార్టీ అధినేత, మాజీ సీఎం నారా చంద్రబాబు నాయుడును మరోసారి ముఖ్యమంత్రిని చేయాలని సీబీఎన్ ఫోరం సభ్యుడు అమర్ (CBN Forum Member Amar) తెలిపారు. హైదరాబాద్​లోని మాదాపూర్ అయ్యప్ప సోసైటిలో సీబీఎన్ ఫోరం విజన్-2047 ఆధ్వర్యంలో సమావేశం నిర్వహించారు. ఆంధ్రప్రదేశ్ అన్ని రంగాల్లో వెనుక బడి పోయిందని.. అప్పుల్లో కురుకుపోయిందని రాష్ట్రాన్ని రక్షించేందుకు, అభివృద్ధి చేసేందుకు వచ్చే సార్వత్రిక ఎన్నికల్లో టీడీపీ, జనసేన అధికారంలోకి తీసుకురావాలని పిలుపును ఇచ్చారు. 

YSRCP Leaders Removing TDP Sympathizers Votes in AP : ఈ సమావేశంలో ఎన్నారై చక్రపాణి ఓటరు నమోదు కార్యక్రమంపై అవగాహన కల్పించారు. ఏపీలో వైసీపీ నేతలు టీడీపీ మద్దతుదార్ల ఓట్లను తొలగిస్తోందని, అదే సమయంలో అక్రమంగా అర్హత లేని వారిని ఓటర్లుగా నమోదు చేస్తున్నారని అమర్ ఆరోపించారు. ప్రతీ గ్రామంలో  సీబీఎన్ ఫోరం కో ఆర్డినేటర్​లను నియమించి, టీడీపీ మద్దతుదార్ల ఓట్ల తొలగింపులు, తొలగించిన ఓట్ల నమోదు చేసే దిశగా చర్యలు చేపడతామని ఆయన అన్నారు. ఈ కార్యక్రమానికి నగరంలోని పలువురు ప్రముఖులు హాజరై ప్రసంగించారు.