హెలికాప్టర్ ​లాంటి కారులో పెళ్లి ఊరేగింపు- ఎగబడ్డ జనం, వీడియో వైరల్​

Car Helicopter Used In Marriage Procession : పెళ్లిలో వధువు ఊరేగింపును కారులో జరుపుతుంటారు ఎక్కువ మంది. ఆర్థికంగా బలంగా ఉన్నవాళ్లు అయితే హెలికాప్టర్​లలో వధువును వరుడి ఇంటికి తీసుకురావడమూ చూసుంటాం. అయితే ఉత్తర్​ప్రదేశ్​లో మహారాజ్​గంజ్​కు చెందిన ఓ వరుడు భిన్నంగా ఆలోచించాడు. కాబోయే భార్యను హెలికాప్టర్​లా ఉండే ఓ కారులో తీసుకెళ్లాడు. 

ఇంతకీ ఏం జరిగిందంటే?
సిద్ధార్థ్ నగర్ జిల్లాకు చెందిన మతియాజ్ అహ్మద్‌కు మహారాజ్‌గంజ్ జిల్లాలోని నౌతన్వా పట్టణంలో బుధవారం వివాహం జరిగింది. ఈ క్రమంలో వివాహ ఊరేగింపులో తనకు కాబోయే భార్యను గ్రాండ్​గా పెళ్లి వేదిక వద్దకు తీసుకురావాలని అహ్మద్ ప్లాన్ చేశాడు. హెలికాప్టర్​లా ఉండే కారును బుక్ చేసుకుని కాబోయే భార్యను ఊరేగింపుగా మండపానికి తీసుకొచ్చాడు. ఈ క్రమంలో విమానంలో ఉన్న కారును చూసుకేందుకు జనాలు ఎగబడ్డారు. కొందరు సెల్ఫీలు సైతం దిగారు. అహ్మద్ పెళ్లిలో విమానంలా ఉండే కారు ప్రత్యేక ఆకర్షణగా నిలిచింది. ప్రస్తుతం విమానంలో ఉన్న కారు వీడియో సామాజిక మాధ్యమాల్లో వైరల్​గా మారింది. 

కొన్నాళ్ల క్రితం హెలికాఫ్టర్​లా ఉన్న కారును చూసి తనకు కాబోయే భార్యను ఇలాంటి వాహనంలోనే తీసుకెళ్లాలని నిర్ణయించుకున్నానని వరుడు మతియాజ్ అహ్మద్ తెలిపాడు. ఇప్పుడు తన కల సాకారమైందని అన్నాడు. అలాగే హెలికాప్టర్​లా తన కారును తయారుచేసినప్పటి నుంచి బుకింగ్​లు బాగా పెరిగాయని కారు యజమాని తెలిపాడు. కారు బుకింగ్ కోసం ప్రజలు అడిగిన ధరను చెల్లించడానికి సిద్ధంగా ఉన్నారని పేర్కొన్నాడు.