MLA Jogu Ramanna fires on Kaushik Reddy : 'కౌశిక్​రెడ్డిపై చర్యలు తీసుకోవాలి.. కులాన్ని దూషించడం సరికాదు'

Kaushik Reddy comments on Mudiraj : బీఆర్​ఎస్​ ఎమ్మెల్సీ కౌశిక్​ రెడ్డి  ముదిరాజ్​ కులాన్ని దూషించడాన్ని తీవ్రంగా ఖండిస్తున్నట్లు ఆదిలాబాద్​ ఎమ్మెల్యే జోగు రామన్న స్పష్టం చేశారు. కౌశిక్​ రెడ్డిపై చర్యలు తీసుకోవాలని సీఎం కేసీఆర్​ను తాను కోరుతానని పేర్కొన్నారు. ఎమ్మెల్సీ వ్యవహారశైలిని ఖండించిన ఆయన.. వ్యక్తి గతంగా ఉన్న కోపాలను వ్యక్తులకే పరిమితం చేయాలని.. కులాలను కించపర్చేలా మాట్లాడటం సరైన పద్ధతి కాదని హితవు పలికారు. ఇలాంటి వ్యక్తులు ఏ పార్టీలో ఉన్న ఆ రాజకీయ పార్టీలకు తీరని నష్టం వాటిల్లే ప్రమాదం ఉందని పేర్కొన్నారు. కౌశిక్​ రెడ్డిపై న్యాయపరమైన చర్యలు తీసుకోవాలని కోరారు. దీనికి ముదిరాజ్​ సామాజిక వర్గం, ప్రతినిధులు అందరూ ఏకమై ఆయనపై చర్యలు తీసుకునేలా ఒత్తిడి తేవాలని సూచించారు. ముదిరాజ్‌ మహసభ సభ్యులకు ఆయన సంపూర్ణ మద్దతు పలికారు. సొంత పార్టీ ఎమ్మెల్యే.. కౌశిక్​ రెడ్డిపై ఆరోపణలు చేయడంతో పార్టీలో చర్చ మొదలైంది. మరోవైపు ఎమ్మెల్యే కౌశిక్​ రెడ్డి వ్యాఖ్యలకు నిరసన రాష్ట్రవ్యాప్తంగా అక్కడక్కడ ముదిరాజ్​ ప్రతినిధులు ఆందోళన చేస్తున్నారు. ఆయనపై చర్యలు తీసుకోవాలని కోరుతున్నారు.