Balagam Director Venu Visits Tirumala: బలగం సినిమాకు ఎన్ని అవార్డులంటే..?

బలగం సినిమా గురించి రెండు రాష్ట్రాల్లో తెలియని వారు ఉండరు. తెలంగాణ పల్లె వాతావరణాన్ని, కుటుంబాల్లో కనిపించే ప్రేమానురాగాలను కళ్లకు కట్టినట్లు తెరపై అద్భుతంగా చూపించాడు డైరెక్టర్ వేణు. ఏ సినిమాకు దక్కని గుర్తింపు బలగం సినిమాకు దక్కింది. పల్లె ప్రజలు బలగం సినిమాని సామూహికంగా చూసి ఆనందం వ్యక్తం చేస్తున్నారు. ఒక చిత్రాన్ని చూసి విడపోయిన కుటుంబాలు కలుస్తున్నాయంటే అర్థం చేసుకోవచ్చు ఈ సినిమాకు ఉన్న క్రేజ్ గురించి.

డైరెక్టర్ వేణు తిరుమల శ్రీవారిని దర్శించుకున్నారు. ఆయన కుమారుడు, మరో నటుడు రచ్చ రవి కూడా స్వామి వారిని దర్శించుకున్నారు. బుధవారం ఉదయం ఆయన స్వామివారి సుప్రభాత సేవలో పాల్గొన్నారు.  ఈ సందర్భంగా మీడియాతో వేణు మాట్లాడుతూ.. తెలుగు ప్రేక్షకులకు కృతజ్ఞతలు చెప్పారు. ఇప్పటికే ప్రపంచ వ్యాప్తంగా 31 అవార్డులు బలగం చిత్రానికి వచ్చాయని  తెలిపారు. ఎంతో ఆనందంగా ఉందని తెలిపారు. తన రెండో సినిమా కూడా దిల్​రాజు నిర్మాణంలో శ్రీ వెంకటేశ్వర క్రియేషన్స్​లో చేస్తున్నామని  డైరెక్టర్ వేణు తెలిపారు.