'నేను మందుతాగలే.. అదిగో ఆయణ్ని ఊదమనండి'

Drunken man hulchal in Hyderabad : హైదరాబాద్ కంచన్​బాగ్ పోలీస్ స్టేషన్​ పరిధిలో మద్యం మత్తులో ఒక వ్యక్తి హల్​చల్ చేశాడు. ఫలక్​నుమా పోలీసులు డ్రంక్ అండ్ డ్రైవ్ నిర్వహిస్తున్నారు. ఈ క్రమంలో ఓ కారును తనిఖీంచాలనుకున్న పోలీసులు ఆ కారు డ్రైవ్ చేస్తున్న వ్యక్తి చలాకీతనాన్ని చూసి స్టన్ అయ్యారు. డ్రంక్ అండ్ డ్రైవ్ తనిఖీలు చేస్తున్న చెక్​పోస్టు వద్దకు రాగానే.. ఆ వాహనాన్ని డ్రైవ్ చేసే వ్యక్తి.. డ్రైవింగ్ సీట్​లో తన పక్కన ఉన్న వ్యక్తిని కూర్చోబెట్టాడు. 

ఇది గమనించిన పోలీసులు ఆ వాహనాన్ని ఆపారు. వేరే సీట్లో కూర్చున్న వ్యక్తిని బ్రీత్ ఎనలైజర్​లో ఊదమని పోలీసులు అడిగారు. కానీ ఆ వ్యక్తి పోలీసులకు సహకరించకుండా వారితో వాగ్వాదానికి దిగాడు. పోలీసులు ఎంత అడుగుతున్నా సహకరించకున్నా.. అతను గొడవకు దిగి 'డ్రైవర్ సీట్లో కూర్చున్న వ్యక్తిని తనిఖీ చేయండి..నేను మాత్రం బ్రీత్ ఎనలైజర్​లో ఊదనని' వారితో గట్టిగా మాట్లాడటం మొదలు పెట్టాడు. అసభ్య పదజాలంతో పోలీసులను దూషించాడు. చివరికి పోలీసులు ఇద్దరు వ్యక్తులపై కేసు నమోదు చేసి వారిని పోలీస్ స్టేషన్​కు తరలించారు.