One Crore Cost Sarees Seized in Hyderabad : బాచుపల్లిలో పట్టుబడ్డ రూ.కోటి విలువగల పట్టుచీరలు .. రెండు లారీల సరుకు సీజ్

One Crore Cost Sarees Seized in Hyderabad : ఎన్నిక‌ల వేళ రాష్ట్ర వ్యాప్తంగా పోలీసులు విస్తృత త‌నిఖీలు నిర్వ‌హిస్తున్నారు. ఎన్నిక‌ల అధికారులు, పోలీసులు క‌లిసి ప్ర‌తి వాహ‌నాన్ని క్షుణ్ణంగా తనిఖీ చేస్తున్నారు. ఈ క్రమంలో  అక్ర‌మంగా త‌ర‌లిస్తున్న న‌గ‌దు, ఆభ‌ర‌ణాలు, డ్ర‌గ్స్, మ‌ద్యంతో పాటు ఇత‌ర విలువైన వ‌స్తువులు భారీగా పట్టుబడుతున్నాయి. ఇవాళ నగర శివారు ప్రాంతాల్లోని బాచుపల్లి పోలీస్​ స్టేషన్ పరిధిలో రెండు లారీల పట్టు చీరలు పట్టుబడ్డాయి.

ప్రగతి నగర్ పంచవటి అపార్ట్‌మెంట్స్‌లో చీరలను రెండు లారీల నుంచి డంపు చేస్తుండగా పోలీసులు పట్టుకుని పోలీస్ స్టేషన్​కి తరలించారు. ఈ పట్టు చీరలు వరంగల్​లో మాంగళ్య షాపింగ్ మాల్స్ నుంచి కొనుగోలు చేసినట్లు కాశం పుల్లయ్య చెబుతున్నారు. కానీ సరైన పత్రాలు చూపక పోవడంతో పోలీసులు కేసు నమోదు చేసి లారీలను స్టేషన్​కి తరలించారు. వీటి విలువ రూ. కోటి వరకూ ఉంటుందని పోలీసులు అంచనా వేస్తున్నారు.