వధువు ఫొటోషూట్​లో 'లెబనాన్​ పేలుడు' దృశ్యాలు

లెబనాన్​ రాజధాని బీరుట్​లో ఈనెల 4న జరిగిన భారీ పేలుడు ఘటన యావత్​ ప్రపంచాన్ని ఉలిక్కిపడేలా చేసింది. ఈ ప్రమాదంలో 100 మందికిపైగా ప్రాణాలు కోల్పోయారు. ఈ భయకరమైన పేలుడు దృశ్యాలు.. ఓ పెళ్లికుమార్తెకు ఫొటో షూట్​ చేస్తుండగా కెమెరాకు చిక్కాయి. ఘటన జరిగిన ప్రాంతానికి 1.6 కిలోమీటర్ల దూరంలోని సైఫీలో ఫోటోలు దిగుతున్న సమయంలో పేలుడు జరిగింది. భారీ శబ్దంతో పెద్ద ఎత్తున పొగ, దుమ్ము కమ్ముకొచ్చినట్లు వీడియోలో స్పష్టంగా కనిపిస్తోంది. దీంతో అక్కడి నుంచి వధువు, వరుడు, కెమెరామెన్​ పరుగులు తీశారు.