ట్యూషన్ ఫీజు​ డబ్బులతో వడ్డీ వ్యాపారం.. చిన్నప్పుడే రానా దందా!

Suma Adda Rana Daggubati : టాలీవుడ్​ విలక్షణ నటుడు దగ్గుబాటి రానా గురించి ప్రత్యేకంగా చెప్పనక్కర్లేదు. అయితే తన నటనతో పాన్ ఇండియా స్థాయిలో గుర్తింపు తెచ్చుకున్న ఆయన..  స్కూల్లో చదువుకునే​ రోజుల్లోనే వడ్డీ వ్యాపారం చేసేవారట. అది కూడా ట్యూషన్​ మాస్టర్​కు ఇవ్వాల్సిన డబ్బులతో! ఈ విషయాన్ని ఆయనే స్వయంగా చెప్పారు. ట్యూషన్​కు వెళ్లకుండా, ఆ డబ్బులను కొందరికి వడ్డీకి ఇచ్చేవాడినని గుర్తు చేసుకున్నారు. ఈటీవీలో ప్రసారమయ్యే 'సుమ అడ్డా' గేమ్ ​షోకు..  తాను నిర్మించిన 'పరేషాన్'​ సినిమా బృందంతో కలిసి అతిథి విచ్చేశారు రానా. ఆ కార్యక్రమంలో నిర్వహించే గేమ్స్​ను 'పక్కా బిజినెస్​ మైండ్​'తో ఆడుతూ నవ్వులు పూయించారు. తనదైన శైలిలో వరుస పంచ్​లు వేస్తూ.. యాంకర్​ సుమనే అవాక్కయ్యేలా చేశారు. పవర్​ స్టార్​ పవన్​ కల్యాణ్​తో కలిసి చేసిన 'భీమ్లా నాయక్'​ సినిమా తనకు ఎంతో ప్రత్యేకమైందని చెప్పారు రానా. సుమ అడ్డా గేమ్​షోలో రానా ఎంత సందడి చేశారో తెలియాలంటే ఈ వీడియో పూర్తిగా చూడాల్సిందే.

ఇదీ చూడండి :