ఈ-బైక్​ రైడ్​తో 'పెట్రో బాదుడు'పై మమత నిరసన

దేశంలో పెరిగిన ఇంధన ధరలను నిరసిస్తూ.. బంగాల్​ ముఖ్యమంత్రి మమతా బెనర్జీ ఎలక్ట్రిక్​ స్కూటర్​పై రాష్ట్ర సచివాలయానికి వచ్చారు. కోల్​కతా నగర మేయర్​ ఫిర్హద్​ హకీమ్​ స్కూటర్​ నడపగా.. మమత హెల్మెట్​ ధరించి వెనక కూర్చున్నారు. పెట్రోల్​ రేట్ల పెరుగుదలను నిరసిస్తూ మెడలో ఫ్లకార్డు వేసుకుని 5 కి.మీ ప్రయాణించారు దీదీ. మోదీ ప్రభుత్వ తప్పుడు వాగ్దానాల వల్లే ఇంధన రేట్లు పెరిగాయన్న ఆమె.. ప్రజా వ్యతిరేక పాలనతో మోదీ, షా దేశాన్ని అమ్మేస్తున్నారని విమర్శించారు.