శానిటైజర్ ఫ్యాక్టరీలో అగ్నిప్రమాదం- యువకుడు మృతి

శానిటైజర్ కర్మాగారంలో జరిగిన అగ్ని ప్రమాదంలో ఓ వ్యక్తి తీవ్రంగా గాయపడి మరణించిన ఘటన ఆలస్యంగా వెలుగుచూసింది. రెండు రోజుల క్రితం గుజరాత్, రాజ్​కోట్, కొఠారియా ప్రాంతంలోని శానిటైజర్ ఫ్యాక్టరీలో అగ్ని ప్రమాదం జరిగింది. ఈ ప్రమాదంలో అశ్విన్​ పాన్సూరియా అనే యువకుడు తీవ్రంగా గాయపడ్డాడు. స్థానికులు అతనిని ఆసుపత్రికి తరలించగా.. చికిత్స పొందుతూ మరణించాడు. డీవీఆర్​లో స్పార్క్ రావడం, పక్కనున్న శానిటైజర్లకు నిప్పు అంటుకోవడం వల్ల ఈ ప్రమాదం జరిగినట్లు అధికారులు వెల్లడించారు. ప్రమాద దృశ్యాలు సీసీటీవీలో రికార్డు అయ్యాయి.