కళ్ల ముందే మునిగిపోతున్నా కనీసం కాపాడలేదు!

కర్ణాటక కలబుర్గిలో ఓ యువకుడు ఈత కొడుతూ ప్రాణాలు కోల్పోయాడు. సరదాగా ఈత కొట్టేందుకు కొలనులోకి దూకిన 22 ఏళ్ల జాఫర్​ అయూబ్.. స్నేహితుల కళ్లముందే శవమయ్యాడు. బయటికి వచ్చేందుకు ప్రయత్నిస్తున్నా.. సరదాగా అలా చేస్తున్నాడేమో అనుకుని స్నేహితులు.. ఫోన్​లో వీడియో తీశారే తప్ప కాపాడటానికి ప్రయత్నించలేదు. ఈత కొట్టే సమయంలో తలకు బలమైన గాయం కావడమే ఇందుకు కారణమని వైద్యులు వెల్లడించారు. పోలీసులు కేసు నమోదు చేసి విచారణ చేపట్టారు.