సాయినాథుడికి 15 తులాల బంగారు హారాన్ని బహుకరించిన ఐఏఎస్​ భార్య

భర్త చివరి కోరిక మేరకు తెలంగాణలోని హైదరాబాద్​కు చెందిన ఓ ఐఏఎస్ భార్య.. మహారాష్ట్రలోని షిరిడీ సాయినాథుడికి బంగారు హారాన్ని బహుకరించింది. హైదరాబాద్‌కు చెందిన పోలవర్ణం.. బంగాల్​లోని ఐఏఎస్ అధికారిగా విధులు నిర్వర్తిస్తూ కరోనా సమయంలో మరణించారు. అయితే భర్త చివరి కోరిక మేరకు కల్యాణి పోలవర్ణం తన మెడలోని బంగారు మంగళసూత్రాన్ని బంగారు హారంగా తయారు చేయించారు. శుక్రవారం షిరిడీ సాయి సంస్థాన్​ ట్రస్ట్​ సభ్యులకు ఆమె బంగారు హారాన్ని అందజేశారు. దాని విలువ రూ.7 లక్షలు ఉంటుందని సంస్థాన్​ ట్రస్ట్​ సభ్యులు తెలిపారు.