టీ20 ప్రపంచకప్ 2022లో భారత్ వరుస విజయాలతో దూసుకెళ్తోంది. ఇప్పటికే పాకిస్థాన్, నెదర్లాండ్స్పై ఆడిన రెండు మ్యాచ్‌లలో ఘన విజయాన్ని అందుకుంది. ఆటగాళ్లు మంచి ప్రదర్శనను చేస్తూ ప్రత్యర్థులను చిత్తు చేస్తున్నారు. దీంతో భారత జట్టు గ్రూప్ 2 పాయింట్ల పట్టికలో అగ్రస్థానంలో నిలిచింది. తన తదుపరి మ్యాచ్‌ను దక్షిణాఫ్రికాతో ఆదివారం ఆడబోతోంది. టీమ్ ఇండియాతో సమవుజ్జీగా ఉన్న జట్టు కావడం వల్ల ఈ మ్యాచ్‌‌లో పోరు ఎలా ఉంటుందనేది ఉత్కంఠతను రేపుతోంది.
అయితే ఇప్పటివరకు జరిగిన రెండు మ్యాచుల్లో గమనిస్తే హార్దిక్, కేఎల్ రాహుల్, రోహిత్ శర్మ సహా పలువురు రౌండ్-బాటమ్డ్ బ్యాట్స్ను వినియోగిస్తున్నట్లు కనిపిస్తోంది. ముఖ్యంగా హార్దిక్, రాహుల్, పంత్లను గమనిస్తే ఈ విషయం మరింత స్పష్టంగా అర్థమవుతోంది. అయితే ఇటువంటి బ్యాట్ను గతంలో పవర్హిట్టింగ్ కోసం మాజీ కెప్టెన్ ధోనీనే ఉపయోగించేవాడు. దీనిని మహీ వ్యూహ్మాత్మక ప్రణాళికలో భాగంగా వినియోగించేవాడు. ఇప్పుడదే బ్యాట్స్ను తాజాగా హార్దిక్, రాహుల్ సహా మిగతా వారు కూడా వాడుతున్నారు.
అయితే వీరు ధోనీ సూచించడం వల్లే ఈ బ్యాట్ను ఉపయోగిస్తున్నట్లు తెలిసింది. ఈ టీ20 ప్రపంచకప్ ప్రారంభానికి ముందు మన ఆటగాళ్లు ధోనీని కలిసి కొన్ని విలువై సూచనలు తీసుకున్నారట. ఈ క్రమంలోనే మన బ్యాటర్లకు ఈ టోర్నీలో ఆటకు ఎలాంటి బ్యాట్ ఉపయోగించాలనే విషయమై మహీ మాట్లాడినట్లు తెలిసింది. టీ20 ప్రపంచకప్ ఆరంభం కావడానికి ముందే పాండ్య, పంత్ ఇద్దరూ ఎంఎస్ ధోనీని సంప్రదించినట్లు ప్రముఖ స్పోర్ట్స్ ఎక్విప్‌మెంట్ మాన్యుఫ్యాక్చరర్ సన్స్‌పారీల్స్ గ్రీన్‌ల్యాండ్స్ మేనేజింగ్ డైరెక్టర్ పరాస్ ఆనంద్ తెలిపారు. "ఇలాంటి బ్యాట్ను 2019 ప్రపంచకప్ ముందు తొలిసారి మహీ వాడటం ప్రారంభించాడు. ఇప్పుడు అదే బ్యాట్ను మన ఇండియన్ ప్లేయర్స్ వినియోగిస్తున్నారు" అని ఆయన పేర్కొన్నారు.
ఇవీ చదవండి:'నేను అస్సలు ఊహించలేదు.. బుమ్రాకు అలా జరగడం అదే తొలిసారి'
పెద్ద జట్లకు పసికూనల షాక్లు.. వరుణుడి ఆటలు.. లెక్కలు మారుతున్నాయ్!
