ముఖం మీద నల్ల మచ్చలు పోవాలంటే ఈ వంటింటి చిట్కాలు పాటిస్తే సరిపోతుంది. తేనె, గంధం పొడి, ఓట్మీల్ వంటివి నల్ల మచ్చలు పోగొట్టేందుకు ఉపయోగపడతాయి.
నిమ్మరసం-తేనె..
నల్ల మచ్చలకు ముఖ్య కారణం విటమిన్‌ సి లోపమే. రెండు చెంచాల నిమ్మరసంలో కాస్త తేనె కలిపాలి. ఈ మిశ్రమాన్ని మచ్చలున్న చోట రాయాలి. పది నిమిషాలయ్యాక చల్లని నీటితో కడగాలి.
గంధం పొడి - గులాబీ నీరు..
గంధం పొడికి రోజ్‌వాటర్‌ను, రెండు చుక్కల గ్లిజరిన్‌ను కలిపి పేస్టు చేయాలి. ఉదయాన్నే లేచాక మచ్చలకు రాయలి. ఆరాక గోరువెచ్చని నీళ్లతో కడిగి.. మాయిశ్చరైజర్‌ రాయాలి. ఇలా ఓ పదిహేను రోజులు క్రమం తప్పకుండా రాసుకుంటే ఫలితం ఉంటుంది.
పాలు-గులాబీ ముద్ద..
పాలల్లో చెంచా గులాబీ రేకల మిశ్రమం కలపాలి. పావు గంటయ్యాక దాన్ని ముఖానికి రాయాలి. ఇలా తరచూ చేస్తుంటే... మచ్చలు తగ్గు ముఖం పడతాయి.
ఓట్మీల్- పెరుగు.. చెంచా పెరుగుకు రెండు చెంచాల ఓట్మీల్ కలిపి రాసుకోవాలి. అరగంటయ్యాక కడిగేయాలి. ఇలా రోజూ చేస్తుంటే మచ్చలు తగ్గి నిగారింపు వస్తుంది.
ఇదీ చదవండి : చురుకైన వీర్యకణాల కోసం కొత్త మందు..!
