పక్షవాతానికి వయసుతో పని లేదు.. జాగ్రత్తలే కీలకం!

మానవులకు వచ్చే ఆరోగ్య సమస్యల్లో పక్షవాతం కూడా ఎంతో భయంకరమైంది. పక్షవాతం బారిన పడితే చెట్టంత మనిషి కూడా మంచానికి పరిమితం అవ్వాల్సిందే. ఈ నేపథ్యంలో ఈ పక్షవాతం ముప్పు పెరగటానికి ఏమి దోహదం చేస్తున్నాయి? ఏ వయసు వారికి ఈ సమస్య ఎక్కువగా వస్తుంది? తెలుసుకుందాం..

పక్షవాతం అనగానే అదేదో వృద్ధాప్యంలో వచ్చే సమస్యగానే చాలామంది భావిస్తుంటారు. కానీ ఇది చిన్న వయసులోనూ రావొచ్చు. నిజానికి చిన్న వయసులో పక్షవాతం తక్కువే అయినా.. దీనికి వయసుతో నిమిత్తమేమీ లేదు. ఇటీవలి కాలంలో 20-54 ఏళ్ల వయసులో పక్షవాతం బారినపడటం పెరుగుతోందని పరిశోధనలు పేర్కొంటుండటం ఆందోళనకరం.