రాగి.. పురాతన లోహాల్లో ఒకటి. బోలెడన్ని సద్గుణాలు ఉండటం వల్ల బంగారం, వెండితో పాటు దీన్ని మన జీవితంలో భాగస్వామ్యం చేశారు పూర్వీకులు. ఈ లోహం శరీర ఎదుగుదలలో కీలక పాత్ర పోషిస్తుంది. కంటికి కనిపించని క్రిములను చంపడంలో కీలకంగా వ్యవహరించే వ్యాధి నిరోధక శక్తిని పెంపొందిస్తుందని ఎన్నో ఏళ్లుగా ప్రజలు విశ్వసిస్తున్నారు. డ్రై ఫ్రూట్స్, మిరియాలు, యీస్ట్లో ఉండే గుణాలు.. రాగిలో ఉంటాయని వైద్య పండితులు చెబుతున్నారు. ఈ నేపథ్యంలో రాగిని ఎక్కువగా ఉంగరం రూపంలో ఆభరణంగా ధరిస్తారు. అలా చేస్తే లాభాలేమిటో ఓ సారి చూద్దాం..
వ్యాధి నిరోధక శక్తి : రక్తాన్ని శుద్ధి చేసే గుణం ఈ లోహం సొంతం. శరీరంలో రక్తప్రసరణను క్రమపరుస్తుంది. హానికలిగించే ఇతర రసాయనాలు, లవణాల నుంచి అవయవాలను రక్షిస్తుంది.
గుండెకు రక్షణ : గుండెపోటు, హృదయ సంబంధిత వ్యాధుల నుంచి రక్షణ కల్పిస్తుంది. దీర్ఘకాలంగా ఉన్న హృద్రోగ సమస్యలకు చెక్ పెడుతుంది. శరీరంలో కొల్లాజెన్, ఎలాస్టిన్, ఫైబర్‌ను మెరుగుపరుస్తుంది.
రక్తపోటు అదుపులో: శరీరంలో రక్తపోటును నియంత్రిస్తుంది. రక్తహీనత సహా పలు రక్త సంబంధిత వ్యాధుల నుంచి సాంత్వన కలిగిస్తుంది.
ఎముకల ధృడత్వం: కీళ్ల నొప్పులు, ఆర్థరైటిస్, ఆస్టియో ఆర్థరైటిస్, రుమటాయిడ్ ఆర్థరైటిస్ నుంచి ఉపశమనం కల్పించేందుకు ఇది బాగా ఉపయోగపడుతుంది.
మరింత యవ్వనంగా: వయస్సు మళ్లడాన్ని నెమ్మదిస్తుంది. ఫైబర్, కొల్లాజెన్ పెరుగుదలలో తోడ్పడి.. చర్మ, జుత్తు సంబంధిత సమస్యల నుంచి బయటపడేస్తుంది.
జ్యోతిష, ఆధ్యాత్మిక ప్రయోజనాలు: కోపం, ఆందోళన వంటి ప్రతికూల భావోద్వేగాలన్నింటినీ దూరంగా ఉంచడంలో ఇది సహాయపడుతుంది. ఇది మనస్సు, ఆత్మపై ఆధ్యాత్మిక ప్రభావాన్ని చూపుతుంది. రాగి ఉంగరం ధరించడం వల్ల మన వ్యక్తిత్వం ఆధ్యాత్మికంగా మరింత బలపడుతుందని జోతిష పండితులు చెబుతుంటారు.
రాగిని రోజువారీ ఆహారంలో భాగస్వామ్యం చేసుకోవడం వల్ల శ్వాసకోస సంబంధిత సమస్యలకు కారణమయ్యే వైరస్లను చంపేస్తుందని తేల్చారు సౌతాంప్టన్ విశ్వవిద్యాలయం పరిశోధకులు. సార్స్, మెర్స్ వైరస్లను ఇది నిలువరిస్తుందని వెల్లడించారు.
ఇదీ చూడండి: ఇది 'శాకాహారుల మటన్'.. కిలో రూ.400- 500!
