సోంపులో ఔషధ గుణాలుంటాయి. ఇది జీర్ణ సంబంధమైన సమస్యలతో పాటు ఇంకా ఎన్నో ఆరోగ్య ప్రయోజనాలను అందిస్తుంది. అందుకే చాలామంది భోజనం తర్వాత సోంపు తింటారు. సోంపు వల్ల కలిగే ప్రయోజనాలు ఏంటో తెలుసుకుందాం.
- సోంపు చాలా రుచిగా ఉండటమే కాదు ఔషధ గుణాలను కలిగి ఆరోగ్య ప్రయోజనాలను అందిస్తుంది.
- 100 గ్రాముల సోంపులో 40 గ్రా. పీచు ఉంటుంది. ఇది ఆహారం అరుగుదలకు తోడ్పడుతుంది.
- జీర్ణ సంబంధ సమస్యలతో బాధపడేవారు ఆహారం తీసుకున్న తర్వాత దీన్ని తింటే ఉపశమనం లభిస్తుంది. మలబద్ధకం సమస్యను తగ్గిస్తుంది.
- క్యాల్షియం ఎక్కువగా ఉంటుంది. కాబట్టి దీన్ని తరచూ ఆహారంతోపాటు తీసుకుంటే ఎముకలు ఆరోగ్యంగా ఉంటాయి.
- దీనిలోని పొటాషియం అధిక రక్తపోటును నియంత్రిస్తుంది.
- ఆహారం సరిగా జీర్ణమవ్వాలంటే సోంపు తీసుకుంటే సరి. అలాగే ఆకలి పెరగాలన్నా దీన్ని తీసుకోవాల్సిందే.
- గ్లాసు మజ్జిగలో చెంచా సోంపు వేసుకుని తాగితే విరేచనాలు తగ్గుముఖం పడతాయి.
- కడుపు నొప్పితో బాధపడే చిన్నారులకు మజ్జిగలో కలిపిస్తే నొప్పి తగ్గుతుంది.
- నోటి దుర్వాసనను తొలగించడంలో ఇది ముందుంటుంది. భోజనం చేసిన వెంటనే కొద్దిగా తీసుకుంటే సమస్య తగ్గుతుంది.
- సోంపును వంటల్లోనూ ఉపయోగిస్తారు. ఇది పదార్థాలకు సువాసనలతోపాటు రుచినీ పెంచుతుంది.
ఇదీ చదవండి : 'ఈటీవీ భారత్' ఎఫెక్ట్: 'ఎలుక' కథనానికి స్పందన.. రైతుకు మంత్రి హామీ
