కేలరీలు లెక్కించుకుని మరీ ఆహారం తీసుకుంటున్న రోజులివి. తాము ఏం తింటున్నామో, ఎంత తింటున్నామో తెలుసుకోవాలని ప్రతి ఒక్కరూ కోరుకుంటున్నారు. ఖర్చు ఎంతైనా కేలరీలు కరగాల్సిందే అంటున్నారు. శారీరకంగా దృఢంగా ఉండేందుకు, బరువు తగ్గించుకునేందుకు, మంచి శరీర ఆకృతికి, జీవనశైలి వ్యాధుల నుంచి కాపాడుకునేందుకు వ్యాయామశాలల్లో కసరత్తులకు ప్రాధాన్యం ఇస్తున్నారు.
మనం తినే, తాగే వాటి నుంచి వచ్చే శక్తితో.. శ్వాస తీసుకోవడం సహా నడవడం, మాట్లాడటం, తినడం చేస్తున్నాం. అయితే.. ఈ ప్రక్రియలతో ఆ కేలరీలన్నీ కరగవు. మిగతా కేలరీలు మన శరీరంలో కొవ్వుగా నిల్వ అవుతాయి. ఇది కాలక్రమేణా బరువు పెరగడానికి దారితీస్తుంది.
అందుకే.. ఫిట్నెస్ లక్ష్యాలకు అనుగుణంగా సంపాదించిన కేలరీలను కరిగించుకోండి. నిత్యం మనం తినే 13 ఆహార పదార్థాల్లో కేలరీలు ఏ స్థాయిలో ఉంటాయో తెలుసుకోండి. వాటికి అనుగుణంగా వ్యాయామం చేస్తూ ఫిట్గా మారండి.
ఎందులో ఎన్ని కేలరీలు?
1. గుడ్డు...
గుడ్డులో పోషకవిలువలు అధికంగా ఉంటాయి.
ఒక ఉడకబెట్టిన గుడ్డు- 77 కేలరీలు
ఆమ్లెట్-104 కేలరీలు
2. బ్రెడ్డు
ఒక బ్రౌన్ బ్రెడ్డు భాగం- 68 కేలరీలు
3. అరటి పండు
ఒక బనానా- 55 కేలరీలు
4. రోటీ
ఒక రోటీ- 85 కేలరీలు
5. చికెన్
చికెన్ 150 గ్రా.-163 కేలరీలు
6. అన్నం
ఒక బౌల్- 120 కేలరీలు
7. యోగర్ట్
ఒక బౌల్- 90 కేలరీలు
8. పనీర్
50 గ్రా- 133 కేలరీలు
9. బంగాళా దుంపలు
50 గ్రా ఉడకబెట్టిన బంగాళదుంపలు-44 కేలరీలు
10. పప్పులు
ఒక బౌల్ కందిపప్పు- 270 కేలరీలు
11. మ్యాగీ
ఒక బౌల్- 246 కేలరీలు
12. కేక్
ఒక చాకొలేట్ కేక్ ముక్క- 235 కేలరీలు
13. కోలా
ఒక గ్లాస్- 108 కేలరీలు
గమనిక: మీరు తినే ఆహారం, దాని తయారీ విధానంతో పాటు నూనె / నెయ్యి / వెన్న మొదలైనవాటిని బట్టి కేలరీల పరిమాణం మారుతుంటుంది. మీ డైట్లో భాగంగా ఈ ఆహార పదార్థాలను తీసుకునే ముందు.. అన్నింటినీ ఓసారి పరిశీలించండి.
