చాపింగ్ బోర్డు వాడుతున్నారా?.. అయితే మీరు ప్రమాదంలో ఉన్నట్లే.. ఎన్నో రోగాలకు కారణం ఇది!

Chopping Board Plastic : మీరు కూరగాయలు కోయడానికి చాపింగ్ బోర్డు వాడుతున్నారా..? అయితే దాని వల్ల అనారోగ్యం వచ్చే అవకాశముంది. ఎలా అంటే ఆ బోర్డులపై విషపూరితమైన మైక్రో ప్లాస్టిక్స్ ఉన్నాయని ఇటీవల చేసిన ఓ పరిశోధనలో వెల్లడైంది. ఆ వివరాలు మీ కోసం..

Chopping board side effects : కూరగాయలు సులభంగా కోయడానికి చాలా మంది చాపింగ్ బోర్డులు ఉపయోగిస్తారు. కొందరు కర్రవి వాడితే.. ఇంకొందరు ప్లాస్టిక్​వి వినియోగిస్తారు. అయితే వాటిలో విషపూరితమైన మైక్రో ప్లాస్టిక్స్ ఉన్నాయని ఇటీవల చేసిన ఓ పరిశోధనలో వెల్లడైంది. వాటి వల్ల వాపు, గ్లూకోజ్ మందగించడం, ఇన్సులిన్ నిరోధకత, టైప్ 2 డయాబెటిస్​తో పాటు పలు హృదయ సంబంధ వ్యాధులు వస్తాయని పరిశోధకులు తెలిపారు.

నార్త్ డకోటా స్టేట్ యూనివర్సిటీకి చెందిన పరిశోధకులు చేసిన ఈ రీసెర్చ్​లో భారత సంతతికి చెందిన ఒకరు ఉండటం విశేషం. ఇది ఎన్విరాన్మెంటల్​ సైన్స్ అండ్ టెక్నాల‌జీ అనే జ‌ర్న‌ల్​లో ప్ర‌చురిత‌మైంది. ఆ అధ్యయనం ప్రకారం.. కర్ర, ప్లాస్టిక్ చాప్ బోర్డులపై క్యారెట్లను కట్ చేయడం వల్ల సంవత్సరానికి పది లక్షల సూక్ష్మకణాలు (మైక్రో పార్టికల్స్) ఉత్పత్తి అవుతాయని తేలింది. ఈ మైక్రో ప్లాస్టిక్​లు కణాల ధ్వంసం, వాపునకు, ఎలర్జీ రియాక్షన్లకు, ఉబకాయానికి దారితీస్తాయి.

ఈ చాపింగ్ బోర్డులను అధికంగా ర‌బ్బ‌రు, వెదురు, క‌ర్ర, ప్లాస్టిక్​ల‌తో త‌యారు చేస్తారు. ప్లాస్టిక్ బోర్డులపై క‌త్తిలో క‌ట్ చేసిన‌ప్పుడు అవి కొన్ని నానో, మైక్రో సైజు మ‌చ్చ‌లు ఏర్ప‌డ‌తాయి. క‌టింగ్ బోర్డులపై కోసిన‌ప్పుడు క‌త్తుల‌కు అంటుకుంటున్న మైక్రో సైజు ప‌రిణామం గ‌ల పార్టిక‌ల్స్​ని సేక‌రించి ప‌రీక్షించారు. దీని కోసం వారు అయిదుగురు వ్య‌క్తులు వివిధ ర‌కాల ప‌దార్థాలను క‌ట్ చేసే విధానాన్ని, ఒక వ్య‌క్తి క్యారెట్​తో, క్యారెట్ లేకుండా ఇత‌ర ప‌దార్థాల‌ను క‌ట్ చేసిన విధానాన్ని పోల్చి చూశారు.

అందులో తేలిన విష‌యం ఏంటంటే.. ప‌దార్థాలు కోసి, ఫుడ్ త‌యారు చేసే స‌మ‌యంలో ఒక సంవ‌త్స‌రానికి త‌మ బోర్డుల నుంచి 14 నుంచి 71 మిలియ‌న్ల పాలీఇథిలీన్, 79 మిలియ‌న్ల పాలీ ప్రాపిలీన్ మైక్రో పార్టిక‌ల్స్ ఉత్ప‌త్తి అవుతాయ‌ని వెల్ల‌డైంది. ఇదే విష‌యంలో క‌ర్ర‌తో చేసిన బోర్డుల నుంచి ఉత్ప‌త్తి అయ్యే మైక్రో పార్టిక‌ల్స్ 4 నుంచి 22 రెట్లు త‌గ్గింద‌ని ప‌రిశోధ‌క‌లు నివేదించారు. అయిన‌ప్ప‌టికీ.. అనేక మైక్రో పార్టికల్స్ ఉత్ప‌త్తి అవుతాయ‌ని వారు తెలిపారు.

క్యారెట్​ల‌ను క‌ట్ చేసిన‌ప్పుడు పాలిఇథిలీన్ మైక్రో పార్టిక‌ల్స్, క‌ర్ర బోర్డు మీద మైక్రో పార్టిక‌ల్స్ ఉత్ప‌త్తి అవుతాయ‌ని పేర్కొన్నారు. వీటిని ప్ర‌యోగ‌శాల‌లో ప‌రీక్షించిన‌ప్పుడు.. ఇవి సాధారణ కంటికి కనిపించనంత చిన్నగా ఉంటాయని తెలిపారు. కాబ‌ట్టి.. మీరు చాపింగ్​ బోర్డు వాడుతున్నట్లయితే, కచ్చితంగా వెంటనే ఇత‌ర ప్ర‌త్యామ్నాయ మార్గాలు చూసుకోండి. లేదా సాధ్య‌మైనంత వ‌ర‌కు క‌ర్రతో చేసిన బోర్డుల‌ను ఉప‌యోగిస్తే బెట‌ర్‌.

ఇవీ చదవండి : Black Plums Benefits : లివర్​, షుగర్​, గుండె సమస్యలకు చెక్​.. నేరేడుతో ప్రయోజనాలెన్నో..