కుప్పకూలిన ఐదు వందల ఏళ్ల నాటి మర్రిచెట్టు
యాదాద్రి జిల్లా యాదగిరిగుట్ట మండలం మల్లాపురం గ్రామంలోని గిరిజన ఆరాధ్య దేవాలయంలోని దేవ నాయకుల మర్రి చెట్టు ఈదురు గాలులతో కురిసిన అకాల వర్షానికి ఓ వైపు కుప్పకూలింది. ఎకరన్నర విస్తీర్ణంలో ఉన్న ఈ మర్రి చెట్టు సుమారు ఐదు వందల సంవత్సరాల కాలం నాటిదని అక్కడి పూజారి భీమా నాయక్ తెలిపారు. ఎంతో విశిష్టత , మహిమ కలిగిన ఈ క్షేత్రానికి గిరిజనులు రాష్ట్ర నలుమూలల నుంచి తరలి వస్తుంటారని వెల్లడించారు. కుప్పకూలిన సమయంలో భక్తులు లేకపోవడం వల్ల పెనుప్రమాదం తప్పింది. ఏళ్లనాటి మర్రి చెట్టు కూలిపోవడం వల్ల గిరిజనులు ఆవేదన వ్యక్తం చేశారు.
ఇవీ చూడండి: రేపట్నుంచి డోసు పెంచనున్న 'సూర్యుడు'
