చెక్​పోస్టును పరిశీలించిన డీసీపీ

యాదాద్రి జిల్లా మోత్కూరులో పోలీస్​ చెక్​పోస్టును డీసీపీ నారాయణరెడ్డి సందర్శించి పరిశీలించారు. లాక్​డౌన్​ సమయంలో అనవసరంగా రోడ్లపై తిరిగేవారిపై కేసులు నమోదు చేస్తున్నామని ఆయన తెలిపారు. గతంలో కంటే ప్రస్తుతం కొవిడ్​ రూల్స్​ను ఉల్లంఘించే వారి సంఖ్య తగ్గిందని డీసీపీ పేర్కొన్నారు.

యాదాద్రి భువనగిరి జిల్లా మోత్కూరులో పోలీస్​ చెక్​పోస్టును డీసీపీ నారాయణరెడ్డి సందర్శించారు. లాక్​డౌక్ సమయంలో పోలీసుల పనితీరు, ప్రజల సౌకర్యాల గురించి అడిగి తెలుసుకున్నారు.

లాక్​డౌన్ అమలులో గడిచిన 14 రోజుల్లో ప్రజల్లో అవగాహన పెరిగిందని డీసీపీ అన్నారు. ప్రస్తుతం అనవసరంగా రోడ్లపై తిరిగే వారి సంఖ్య తగ్గిందని ఆయన వెల్లడించారు. జిల్లాలో మొదట్లో రోజుకు 800 మంది కొవిడ్​ నిబంధనలు ఉల్లంఘించే వారని.. ప్రస్తుతం ఆ సంఖ్య 150కు తగ్గిందని పేర్కొన్నారు. ప్రజల సహకారం ఉంటే కరోనాను జయించవచ్చని డీసీపీ అభిప్రాయం వ్యక్తం చేశారు. కార్యక్రమంలో స్థానిక ఎస్ఐ ఉదయ్ కిరణ్, ఏఎస్ఐ ప్రకాశ్​, పోలీసు సిబ్బంది పాల్గొన్నారు.

ఇదీ చూడండి: కరోనా ఫ్రీ విలేజ్​.. నేటికీ ఆ గ్రామానికి దరిచేరని వైరస్​