కరోనా బారిన పడి ఆర్థికంగా చితికిపోయిన కుటుంబాలను దాతలు ముందుకొచ్చి ఆదుకుంటున్నారు. యాదాద్రి జిల్లా మోత్కూరుకు చెందిన రావుల వెంకన్న ఇటీవల కరోనా బారిన పడి కోలుకున్నాడు. అనంతరం కొద్ది రోజులకే బ్లాక్ ఫంగస్ సోకి మృతి చెందాడు. అతడి భార్యకూ కరోనా సోకగా.. ప్రస్తుతం ఆమె ఐసోలేషన్లో ఉన్నారు. విషయం తెలుసుకున్న ఎమ్మెల్యే గాదరి కిశోర్.. స్థానిక తెరాస నేతల సాయంతో బాధిత కుటుంబానికి రూ. 20 వేల ఆర్థిక సాయాన్ని అందజేశారు.
పట్టణంలో కరోనా బారిన పడిన మరో ఇద్దరు ఫొటోగ్రాఫర్లకు కుడా నేతలు రూ. 6 వేలను అందించి అండగా నిలిచారు. ఈ కార్యక్రమంలో మున్సిపల్ ఛైర్ పర్సన్ సావిత్రి మేఘారెడ్డి, వైస్ ఛైర్మన్ వెంకటయ్య, తదితరులు పాల్గొన్నారు.
ఇదీ చదవండి: Corona : కేబీఆర్ పార్కు వద్ద శునకాలకు కరోనా లక్షణాలు
