యాదాద్రి భువనగిరి జిల్లా బొమ్మలరామారం హాజీపూర్లో వరుస హత్యలు శ్రీనివాసరెడ్డే చేశాడని రాచకొండ సీపీ మహేశ్భగవత్ నిర్ధారించారు. నిందితుడు ముగ్గురిని అత్యాచారం చేసిన అనంతరం హత్యచేసి బావిలో పూడ్చిపెట్టాడని పేర్కొన్నారు. 2017లో కర్నూల్లో సెక్స్వర్కర్ హత్యకేసులో అరెస్టు అయ్యాడని స్పష్టం చేశారు. 2015లో బొమ్మలరామారంలో యువతిపై లైంగిక దాడికి పాల్పడ్డ శ్రీనివాస్ను... గ్రామస్థులంతా పట్టుకుని చెట్టుకు కట్టేసి కొట్టారని తెలిపారు. అప్పటి నుంచి అతను ఉన్మాదిగా మారి బాలికలపై అత్యాచారం, హత్యలకు పాల్పడుతున్నాడని సీపీ వివరించారు. మొత్తం నాలుగు కేసుల్లో శ్రీనివాస్రెడ్డి నిందితుడిగా ఉన్నాడని, అతనికి ఉరిశిక్ష పడేలా కృషి చేస్తామని సీపీ ప్రకటించారు.
శ్రీనివాసరెడ్డికి ఉరిశిక్ష పడేలా చేస్తాం: రాచకొండ సీపీ
