కల్తీ పాలు తయారు చేస్తున్న ఇంటిపై ఎస్​వోటీ దాడులు

యాదాద్రి జిల్లా బీఎన్​ తిమ్మాపూర్​లో కల్తీ పాలు తయారు చేస్తున్న ఇంటిపై ఎస్​వోటీ పోలీసులు దాడులు చేశారు. ఒకరిని అరెస్టు చేసి స్థానిక పోలీసులకు అప్పగించారు. 70 లీటర్ల కల్తీ పాలు, 5 లీటర్ల ఆయిల్​ డబ్బా, 36 ప్యాకెట్​ పౌడర్లు స్వాధీనం చేసుకున్నారు.

ప్రజల ప్రాణాలతో చెలగాటమాడే విషపూరితమైన పాలు తయారు చేస్తున్న స్థావరంపై ఎస్​వోటీ పోలీసులు దాడులు చేసి ఒకరిని అరెస్ట్ చేశారు. మరొకరు పరారీలో ఉన్నారు. 70 లీటర్ల కల్తీ పాలు, 5 లీటర్ల ఆయిల్ డబ్బా, 36 ప్యాకెట్​ పౌడర్లు, ఒక మిక్సర్, కూల్ ఫ్రీజ్, సెల్ ఫోన్ స్వాధీనం చేసుకున్నారు. యాదాద్రి భువనగిరి జిల్లా బీఎన్​ తిమ్మాపూర్​లోని ఓ ఇంట్లో గుట్టుచప్పుడు కాకుండా కల్తీ పాలు తయారు చేస్తున్నారు. సమాచారం అందుకున్న ఎస్​వోటీ ఇన్స్పెక్టర్​ రాజు వర్మ తమ సిబ్బందితో తనిఖీలు చేశారు. నిందితున్ని స్థానిక పోలీసులకు అప్పగించారు.

ఇవీ చూడండి: అర్ధరాత్రి హబీబ్​నగర్​ పోలీస్​ స్టేషన్​పై దాడి