యాదాద్రి భువనగిరి జిల్లా ఆత్మకూరు(ఎం) మండలం రహీంఖాన్పేట వద్ద రోడ్డుప్రమాదం జరిగింది. భువనగిరి-మోత్కూరు రహదారిలో నూతనంగా నిర్మిస్తున్న కల్వర్టు ప్రమాద సూచికను ద్విచక్రవాహనం ఢీ కొట్టిన ఘటనలో ఓ వ్యక్తి మరణించాడు. మృతుడు పోతిరెడ్డిపాడు గ్రామానికి చెందిన మక్తాల నవీన్గా పోలీసులు గుర్తించారు.
భువనగిరిలో లారీ డ్రైవర్గా పనిచేస్తున్న నవీన్ విధులు ముగించుకొని అర్ధరాత్రి సమయంలో ఇంటికి తిరుగు పయనమయ్యాడు. కల్వర్టు వద్ద ఏర్పాటుచేసిన ప్రమాద హెచ్చరిక సూచికను ఢీ కొట్టి అక్కడికక్కడే మృతిచెందాడు. అర్ధరాత్రి ప్రమాదం జరిగినా ఉదయం వరకు ఎవరూ దాన్ని గమనించలేదు. ఉదయం 7 గంటల సమయంలో అటువైపు వెళ్తున్న ప్రయాణికులు గుర్తించి పోలీసులకు సమాచారం అందించారు.
కల్వర్టు నిర్మాణం చుట్టు ఎటువంటి రక్షణ కంచెలు ఏర్పాటుచేయకపోవడం వల్లనే ప్రమాదాలు జరుగుతున్నాయని స్థానికులు ఆరోపిస్తున్నారు.
ఇవీ చూడండి: పారిపోయాడు... దొరికిపోయాడు...
