యాదాద్రి భువనగిరి జిల్లాలోని యాదాద్రి శ్రీలక్ష్మి నరసింహస్వామివారిని నల్గొండ ఎమ్మెల్యే కంచర్ల భూపాల్‌రెడ్డి దర్శించుకున్నారు. సీఎం కేసీఆర్ ప్రత్యేక శ్రద్ధతో ఆలయ అభివృద్ధి పనులు చేపడుతున్నారని తెలిపారు. ప్రధాన ఆలయ పునర్నిర్మాణ పనులను ఎమ్మెల్యే పరిశీలించారు.
ఆలయ అర్చకులు ఆయనకు ప్రత్యేకంగా స్వాగతం పలికారు. బాలాలయంలోని స్వామివారిని దర్శించుకుని మొక్కులు తీర్చుకున్నారు. ప్రత్యేక పూజలు చేసిన అనంతరం ఆలయ అధికారులు స్వామివారి లడ్డూ ప్రసాదం అందజేశారు. ఈ కార్యక్రమంలో ఆలయ అధికారులు, అర్చకులు, ఇతరులు పాల్గొన్నారు.
