ఉత్తమ్​పై తన వ్యాఖ్యలను సమర్థించుకున్న మంత్రి జగదీశ్​రెడ్డి

ఉత్తమ్​కుమార్​ రెడ్డిపై చేసిన వ్యాఖ్యలను మంత్రి జగదీశ్​రెడ్డి సమర్థించుకున్నారు. తన ప్రసంగానికి పదే పదే అడ్డుపడ్డారని ఆరోపించారు. యాదాద్రి భువనగిరి జిల్లా వంగపల్లిలో జిల్లా సహకార కేంద్ర బ్యాంకు ఆధ్వర్యంలో ఏర్పాటు చేసిన రైతులకు మెగా రుణమేళా కార్యక్రమంలో ఆయన పాల్గొన్నారు. ప్రభుత్వ విప్ గొంగిడి సునీత, ఎంపీ బడుగుల లింగయ్య యాదవ్​తో కలిసి రైతులకు ఋణాలు అందజేశారు.

టీపీసీసీ చీఫ్ ఉత్తమ్​కుమార్ రెడ్డిపై తాను చేసిన వ్యాఖ్యలను విద్యుత్​ శాఖ మంత్రి జగదీశ్​రెడ్డి సమర్థించుకున్నారు. రైతు రుణమాఫీపై వివరణ ఇస్తున్న సమయంలో పదే పదే తన ప్రసంగానికి ఉత్తమ్​ అడ్డుపడ్డారని మంత్రి ఆరోపించారు. యాదాద్రి భువనగిరి జిల్లా యాదగిరిగుట్ట మండలం వంగపల్లిలో జిల్లా సహకార కేంద్ర బ్యాంకు ఆధ్వర్యంలో నిర్వహించిన రైతులకు మెగా రుణమేళా కార్యక్రమంలో ఆయన పాల్గొన్నారు.

ఈ సందర్భంగా యాదగిరిగుట్ట, వంగపల్లి, తుర్కపల్లి, రాజాపేట సహకార సంఘాల ద్వారా రైతులకు రూ.2 కోట్ల రుణాలు అందజేశారు. ఒక్కో సహకార సంఘానికి రూ.50 లక్షల చొప్పున మొత్తం రూ.2 కోట్లు కేటాయించి రైతులకు అందజేశామని మంత్రి పేర్కొన్నారు. కేవలం పావలా వడ్డీతో రైతులకు స్వల్పకాలిక రుణాలు అందజేస్తున్నామని వివరించారు.