ChatGPT Deep Research Feature: టెక్నాలజీలో ఆర్టిఫిషియల్ ఇంటెలిజెన్స్ పెను సంచలనంగా మారింది. ప్రస్తుతం ప్రపంచం అంతా ఏఐ వెంట పరుగులు పెడుతోంది. దీంతో అన్ని కంపెనీలు ఏఐపై ఫోకస్ చేస్తున్నాయి. ఈ క్రమంలోనే అమెరికాకు చెందిన ఓపెన్ఏఐ సంస్థ చాట్జీపీటీ అనే ఏఐ ఆధారిత చాట్బాట్ను లాంఛ్ చేసి అప్పట్లో సంచలనం సృష్టించింది. అయితే ఇప్పుడు చైనీస్ స్టార్టప్ కంపెనీ డీప్సీక్ నుంచి వచ్చిన R1 మోడల్ ఊహించని ప్రజాదరణతో మొత్తం టెక్ ఇండస్ట్రీనే షేక్ చేస్తోంది.
దీన్ని ఉపయోగించిన వారు ఇతర ఏఐ మోడల్స్ కంటే ఇది మెరుగైన పనితీరును కనబరుస్తోందని నెట్టింట కామెంట్లు చేస్తున్నారు. దీంతోపాటు ఇంత అడ్వాన్స్డ్ ఏఐ మోడల్ను పూర్తిగా ఉచితంగా అందించడంతో విస్తృతంగా దీన్ని ఉపయోగిస్తున్నారు. దీంతో చాట్బాట్ ఏఐ రంగంలో ఓపెన్ఏఐ తన చాట్జీపీటీ స్థానాన్ని మళ్లీ మునుపటిలా నిలిపేందుకు కసరత్తు చేస్తోంది. ఈ నేపథ్యంలో చాట్జీపీటీలో 'డీప్ రీసెర్చ్' పేరుతో కొత్త ఫీచర్ను జోడించింది.
ఈ ఫీచర్ ఎంత కష్టమైన టాస్క్ను అయినా మల్టీ-స్టెప్ సెర్చ్ నిర్వహించగలదు. అంటే ఎంత డీప్ రీసెర్చ్ గురించైనా ఓ విశ్లేషకుడి స్థాయిలో పరిశోధించి కేవలం 10 నిమిషాల్లోనే సమాచారాన్ని అందించగలదని ఓపెన్ఏఐ చెబుతోంది. ఇదే టాస్క్ను పూర్తి చేసేందుకు మానవులకు అయితే చాలా గంటలు పడుతుందని పేర్కొంది.
ఏంటీ డీప్ రీసెర్చ్ ఫీచర్?: వాస్తవానికి ఓపెన్ఏఐ తీసుకొచ్చిన ఈ ఫీచర్ చాట్జీపీటీ లేటెస్ట్ ఏజెంట్. ఇది అత్యంత కష్టతరమైన ఏదైనా టాస్క్ను క్షణాల్లో అంటే చాలా తక్కువ సమయంలోనే చేయగలదు. ఇందుకోసం మీరు మీ డిఫికల్ట్ టాస్క్ కోసం ప్రాంప్ట్ను ఎంటర్ చేస్తే చాలు. అది వెంటనే అనేక ఆన్లైన్ సోర్సెస్ నుంచి సమాచారాన్ని తీసుకుని దాన్ని నిపుణుల స్థాయిలో సవరణలు, విశ్లేషణలు చేసి నాణ్యతతో కూడిన నివేదికలను రూపొందించి మీకు అందిస్తుంది. ఇలా ఇది పరిశోధనలో సరైన నిర్ణయాలను తీసుకోవడంలో మీకు సమహాయపడుతుంది.
ఈ డీప్ రీసెర్చ్ ఫీచర్ ఓపెన్ఏఐ O3 మోడల్ ద్వారా తీసుకొచ్చారు. వెబ్ బ్రౌజింగ్ అండ్ డేటా క్రంచింగ్ కోసం చాట్జీపీటీ ఈ కొత్త ఏజెంట్ను కంపెనీ రూపొందించింది. రీజనింగ్‌ని ఉపయోగించి ఇంటర్నెట్‌లో చాలా టెక్స్ట్, పిక్చర్స్, PDFలను శోధించి, అర్థం చేసుకుని, విశ్లేషించగల సామర్థ్యం దీనికి ఉంది. కొత్త నాలెడ్జ్ను అందించాలంటే జ్ఞానాన్ని సంశ్లేషణ చేయడం అవసరమని కంపెనీ చెబుతోంది. ఇందుకు డీప్సీక్ రీసెర్చ్ తమకు ఒక ముఖ్యమైన అడుగు అని, దీని ద్వారా AGI (ఆర్టిఫిషియల్ జనరల్ ఇంటెలిజెన్స్)ను అభివృద్ధి చేయాలనుకుంటున్నట్లు తెలిపింది.
ఈ డీప్ రీసెర్చ్ ఫీచర్ను ఎలా ఉపయోగించాలి?: చాట్జీపీటీ మెసెజ్ కంపోజర్లో ఈ కొత్త డీప్ రీసెర్చ్ ఫీచర్ ఆప్షన్ కన్పిస్తుంది. దీనిపై క్లిక్ చేసి మీరు ఎలాంటి ప్రశ్నలను అయినా అడొగొచ్చు. అంతేకాక మీరు గూగుల్ స్ప్రెడ్‌షీట్‌లను కూడా మీ ప్రశ్నలో చేర్చవచ్చు. ఆ తర్వాత చాట్జీపీటీలోని ఈ డీప్ రీసెర్చ్ ఏజెంట్ ఆన్లైన్ నాలెడ్జ్ను ఉపయోగించి మీరు అడిగిన ప్రశ్నను పరిశోధించి విశ్లేషిస్తుంది. ఈ ఫీచర్ ముఖ్యంగా ఫైనాన్స్, సైన్స్, ఇంజనీరింగ్ వంటి రంగాల్లో ఇంటెన్సివ్ నాలెడ్జ్ కోసం పనిచేసే వారికి బాగా ఉపయోగపడుతుందని టెక్ నిపుణులు భావిస్తున్నారు.
అంతేకాక ఈ ఏజెంట్ మీకు హెల్పింగ్ సైడ్బార్ను కూడా చూపిస్తుంది. ఇందులో మీరు అడిగిన ప్రశ్నకు సమాధానం ఇచ్చేందుకు ఈ డీప్ రీసెర్చ్ ఫీచర్ ఏ స్టెప్స్ తీసుకుందో, ఏ సోర్సెస్ను ఉపయోగించిందో కన్పిస్తుంది. తమకు ట్రాన్సపరెన్సీ ముఖ్యమని కంపెనీ చెబుతోంది. అయితే డీప్ రీసెర్చ్ ద్వారా చేసే పరిశోధనకు నిర్ణీత కాలపరిమితి లేదు. ఇది మనం అడిగిన ప్రశ్నను బట్టి దానిపై పరిశోధించి సమాధానం ఇచ్చేందుకు 5 నుంచి 30 నిమిషాల సమయం తీసుకోవచ్చు. అయితే ప్రస్తుతం ఈ ఫీచర్ చాట్జీపీటీ ప్రో వినియోగదారులకు మాత్రమే అందుబాటులో ఉంది.
బాల్యం నుంచే స్మార్ట్ఫోన్- యవ్వనంలో మతి చెడిపోతుందట!
ఒకటికి మించి మరొకటి- పోటాపోటీ ఫీచర్లతో లాంఛ్కు రెడీగా కిర్రాక్ స్మార్ట్ఫోన్లు!
ఇండియన్ రైల్వే సూపర్ యాప్ వచ్చేసిందోచ్- ఇకపై ఒక్క క్లిక్తోనే టికెట్ బుకింగ్తో పాటు అన్ని సేవలు!
