ప్రముఖ పుణ్యక్షేత్రం యాదాద్రి లక్ష్మీనరసింహస్వామి ఆలయంలో కలశాల బిగింపు ప్రక్రియ ప్రారంభమైంది. పంచ నారసింహుల దివ్యాలయంపై కలశాల స్థాపన ప్రక్రియకు అర్చకులు శ్రీకారం చుట్టారు. విస్తరించిన కృష్ణశిలతో పునర్ నిర్మించిన ఆలయ ఉద్ఘాటనలో ఈనెల 28న మహాకుంభ సంప్రోక్షణకు ముందుగా.. త్రిదండి చిన జీయర్ స్వామి సలహాతో కలశాల స్థాపన పనులు చేపట్టినట్లు యాడా నిర్వాహకులు తెలిపారు.
తొలుత మహా బలిపురం నుంచి తెప్పించిన రాగి కలశాలను ఆలయం నలువైపులా గల అష్టభుజి మండప ప్రాకారాలపై ఉన్న విమానాలపై ఏర్పాటు చేస్తున్నారు. మొదటి, రెండు, నాలుగో ప్రాకారాలపై గల 24 విమానాలు రాగి కలశాలతో ఆవిష్కృతం కానున్నాయి. ఈ పనులు కాగానే గోపురాలపై స్థాపన చేపట్టనున్నారు.
ఇదీ చూడండి:
