మునుగోడు ఉపఎన్నిల్లో కేంద్ర, రాష్ట్ర ప్రభుత్వాలు ఓటర్లను ప్రలోభాలకు గురి చేశాయంటూ ప్రజాశాంతి పార్టీ అధ్యక్షుడు కేఏ పాల్ ఆరోపించారు. మద్యం, డబ్బుతో ప్రజలను తప్పుదోవ పట్టిస్తున్నారని మండిపడ్డారు. ఈవీఎంలతో కాకుండా.. ఎన్నికలను బ్యాలెట్ పేపర్లతో జరపాలని కోరినప్పటికీ ఈసీ స్పందించలేదని ధ్వజమెత్తారు. లక్షకుపైగా ఓట్లు తనకే వచ్చినట్లు చెప్పారు. బ్యాలెట్ పేపర్ పెడితే ఆ విషయం రుజువు చేసి చూపిస్తానన్నారు. ఎలక్షన్ రద్దు చేయాలని డిమాండ్‌ చేశారు. ఎన్నికలలో భారీ స్థాయిలో ప్రలోభాలు జరిగాయని దీనిపై న్యాయ పోరాటం చేస్తామని కేఏ పాల్ తెలిపారు.
"బ్యాలెట్ పేపర్లు పెట్టండి.. ఈవీఎంలు వద్దని చెప్పాం. ఓట్లు ఆయన వెంటనే లెక్కపెట్టండని చెప్పాం. వీటిని సెంట్రల్ ఫోర్స్తో నడపమని చెప్పాం. కలెక్టర్, ఎస్పీ, ఆర్వో వారందరూ కేసీఆర్కు చెందిన వారు. ఇదంతా ప్లాన్గా జరిగింది. 3వతేదీన ఎలక్షన్ జరిగింది. 4వతేదిన కౌంటింగ్ చేయలేదు. ఖచ్చితంగా అవినీతి చేస్తున్నారు. కేంద్ర, రాష్ట్ర ప్రభుత్వాలు అవినీతికి పాల్పడ్డాయి. ఇవి అవినీతి ఎన్నికలు. ఈ ఎన్నికలను రద్దు చేసి బ్యాలెట్ పేపర్తో ఎన్నికలు నిర్వహించాలి. మొత్తం 47 మంది అభ్యర్థులలో 37 మంది కోరుకుంటున్నారు." - కేఏ పాల్, ప్రజాశాంతి పార్టీ అధ్యక్షుడు
ఇవీ చదవండి: మేము ఊహించిన స్థాయిలో ఓట్లు రాలేదు: రాజగోపాల్‌రెడ్డి
3 ఎకరాలు విక్రయం.. 30 లక్షలు ఖర్చు.. ఆహార కల్తీపై అలుపెరుగని పోరాటం
