మంత్రి ఇంద్రకరణ్​ రెడ్డికి వినతిపత్రం ఇచ్చిన ఫీల్డ్​ అసిస్టెంట్లు

ఎన్నో ఏళ్లుగా ఉపాధి హామీ పథకంలో ఫీల్డ్​ అసిస్టెంట్లుగా పని చేస్తున్న తమను నిర్బంధంగా తొలగించి అన్యాయం చేశారని.. తిరిగి విధుల్లోకి తీసుకోవాలని యాదాద్రి జిల్లాలో మంత్రి ఇంద్రకరణ్​ రెడ్డికి వినతి పత్రం ఇచ్చి, కాళ్ల మీద పడి వేడుకున్నారు.

యాదాద్రి భువనగిరి జిల్లాలోని ప్రముఖ పుణ్యక్షేత్రం యాదాద్రి పర్యటనకు వచ్చిన మంత్రి ఇంద్రకరణ్​ రెడ్డికి యాదాద్రిలో నిరసనల సెగ తగిలింది. ఫీల్డ్​ అసిస్టెంట్లను తొలగిస్తున్నట్టు ప్రభుత్వం తీసుకున్న నిర్ణయాన్ని వెనక్కి తీసుకొని, తిరిగి తమను విధుల్లోకి తీసుకోవాలని ప్లకార్డులతో నిరసన తెలిపారు. జిల్లావ్యాప్తంగా ఉన్న ఫీల్డ్​ అసిస్టెంట్ల తొలగింపు తమ పొట్ట మీద కొట్టడమే అని.. తమకు అన్యాయం చేయొద్దంటూ ఫీల్డ్​ అసిస్టెంట్లు మంత్రి కాళ్ల మీద పడ్డారు. అనంతరం మంత్రికి వినతి పత్రం ఇచ్చారు.

ఇదీ చదవండి: గుడ్​న్యూస్: ఆగస్టు 15 కల్లా మార్కెట్లోకి కోవాగ్జిన్​!