నేను ముందుగా డాక్టర్​ని... తర్వాతే రాజకీయవేత్తను

మాజీ ఎంపీ డా.బూర నర్సయ్యగౌడ్​ మానవత్వాన్ని చాటుకున్నారు. యాదాద్రి భువనగిరి జిల్లా మోత్కూరు మున్సిపాలిటీ కేంద్రం వద్ద ద్విచక్రవాహనంపై నుంచి పడిన ఓ వ్యక్తిని.. తన కారులో ఆస్పత్రికి చేర్చి, ప్రథమ చికిత్స చేశారు.

మాజీ ఎంపీ డా.బూర నర్సయ్యగౌడ్​ యాదాద్రి భువనగిరి జిల్లా ఆరెగూడెంలో తెరాస నేత యాకుబ్​ రెడ్డి కుటుంబాన్ని పరామర్శించడానికి వెళ్లారు. తిరిగి వస్తుండగా మోత్కూరులోని జ్యోతిరావు పూలే కూడలి వద్ద ఓ వ్యక్తి ద్విచక్రవాహనంపై నుంచి పడ్డాడు.

అతన్ని చూసిన నర్సయ్య కారును ఆపి, అంబులెన్స్​కు ఫోన్​ చేశారు. అంబులెన్స్​ అందుబాటులో లేకపోవడం వల్ల తన కారులోనే ఆ వ్యక్తిని ఓ ప్రైవేటు ఆస్పత్రికి తరలించారు.

డాక్టర్​ అందుబాటులో లేకపోవడం వల్ల గాయపడిన వ్యక్తి కాలుకు నర్సయ్యగౌడ్​ చికిత్స చేసి అతని కుటుంబ సభ్యులకు సమాచారం అందించారు. మెరుగైన వైద్యం కోసం భువనగిరి ఏరియా ఆస్పత్రికి తరలించారు.

ముందుగా తాను డాక్టర్​న​ని, తర్వాతే రాజకీయ నాయకుడిని అని మాజీ ఎంపీ బూర నర్సయ్య గౌడ్​ పేర్కొన్నారు.

• ఇదీ చూడండి : 'పైవంతెన'పై మరో ప్రమాదం... గాల్లో కారు పల్టీ