తండ్రికి తలకొరివి పెట్టిన కుమార్తె

పున్నామనరకం నుంచి పుత్రుడు రక్షిస్తాడనేది పాత మాట. తండ్రికి ఓ కూతురు తలకొరివి పెట్టి అతని ఆత్మకు శాంతి చేకూర్చింది. ఈ సంఘటన యాదాద్రి భువనగిరి జిల్లా చౌళ్లరామారంలో చోటుచేసుకుంది.

యాదాద్రి భువనగిరి జిల్లా అడ్డగూడూరు మండలం చౌళ్లరామారంలో కారుపోతుల రాములు అనారోగ్యంతో మృతి చెందాడు. ఆయనకు నలుగురు కూతుళ్లున్నారు. కుమారులు లేకపోవడం వల్ల అతని మూడో కూతురు భాగ్యమ్మ తండ్రి అంతిమ సంస్కారాలు నిర్వహించి తలకొరివిపెట్టింది. నలుగురు కుమార్తెలైనా తమకు ఏ లోటు లేకుండా పెంచిన తండ్రికి తలకొరివిపెట్టి రుణం తీర్చుకున్నానని భాగ్యమ్మ అన్నారు.

• ఇదీ చూడండి : శ్రీశైలం జలాశయానికి తగ్గుతున్న వరద