పాపాల విముక్తి కోసమే.. యాగాలు: నారాయణ

దేవాలయాల అభివృద్ధి పేరుతో ముఖ్యమంత్రి కేసీఆర్​ అవినీతికి పాల్పడుతున్నారని సీపీఐ జాతీయ కార్యదర్శి నారాయణ విమర్శించారు. ఈ నెల 8న నిర్వహించే దేశవ్యాప్త సమ్మెకు కేసీఆర్​ నాయకత్వం వహించి చిత్తశుద్ధి నిరూపించుకోవాలని డిమాండ్ చేశారు.

ఆత్మబలిదానాలతో ఏర్పడిన తెలంగాణలో ఆత్మహత్యలు జరుగుతుండటం బాధాకరమని సీపీఐ జాతీయ కార్యదర్శి నారాయణ అన్నారు. యూదగిరిగుట్టలో పర్యటించిన నారాయణ... దేవాలయాల అభివృద్ధి పేరుతో అవినీతికి పాల్పడుతున్నాడని విమర్శించాడు. ఇప్పటికే ఎన్నో పాపాలు చేసిన కేసీఆర్​... విముక్తి కోసం యాగాలు చేస్తున్నాడని ఎద్దేవా చేశారు.

ఎన్నికల్లో ప్రజలకు ఇచ్చిన హామీలను కేసీఆర్​ తుంగలో తొక్కారని విమర్శించారు. ప్రశ్నిస్తున్న ప్రతిపక్షాలను నీర్వీర్యం చేసే కుట్ర పన్నుతున్నారన్నారు. పార్లమెంటులో ఎన్​ఆర్​సీకి వ్యతిరేకంగా ఓటేసిన తెరాస... ఈ నెల 8న జరిగే దేశవ్యాప్త సమ్మెకు నాయకత్వం వహించి చిత్తశుద్ధి నిరూపించుకోవాలని డిమాండ్ చేశారు.

ఇవీ చూడండి: రాష్ట్రవ్యాప్తంగా 3148 డ్రంక్​ అండ్ డ్రైవ్​ కేసులు