వలస కార్మికుల రాకతో కరోనా భయం

యాదాద్రి భువనగిరి జిల్లాలో కరోనా కలకలం రేపింది. మహారాష్ట్ర నుంచి జిల్లాలోకి వస్తున్న వలసకార్మికుల్లో ముగ్గురికి పాజిటివ్​రాగా అక్కడి స్థానిక ప్రజలు భయాందోళనకు గురవుతున్నారు.

రాష్ట్రంలో గ్రీన్​జోన్​గా ఉన్న యాదాద్రి జిల్లా వాసులను ఇప్పుడు మహారాష్ట్ర నుంచి వస్తున్న కార్మికులతో కరోనా భయం వెంటాడుతున్నది. ఈ నెల 7వ తేదీన ముంబయి నుంచి సంస్థాన్​ నారాయణపురం మండలం జనగాం గ్రామానికి వస్తున్న వారిని హైద్రాబాద్​లో పరీక్షలు నిర్వహించగ వారిలో ముగ్గురికి కరోనా పాసిటివ్ రావడం వల్ల వారిని ఐసోలేషన్ సెంటర్​కు తరలించారు.

గ్రామానికి ఇంతకు ముందే ఎవరైన వచ్చారా.. ఒక వేళ వస్తే తమ పరిస్థితి ఏంటని గ్రామస్థులు ఆందోళన వ్యక్తం చేస్తున్నారు. ఈ క్రమంలో మునుగోడు మాజీ ఎమ్మెల్యే ప్రభాకర్ రెడ్డి గ్రామంలో సోడియమ్ హైపో క్లోరైడ్​ ద్రావణాన్ని విధులన్నింటిలో పిచికారీ చేయించారు. ప్రజలెవరు ఆందోళన చెందవద్దని అందరు కచ్చితంగా మాస్కులు ధరించాలని సూచించారు. గ్రామానికి ఇతర ప్రాంతాల నుంచి ఎవరైనా వస్తే సమాచారం ఇవ్వాలని తెలిపారు.

ఇవీ చదవండి...విశాఖ వాసులను వెంటాడుతున్న విషవాయువు...!