Rinku Singh New Bunglow : టీమ్ఇండియా యంగ్ బ్యాటర్ రింకూ సింగ్ ప్రస్తుతం మంచి ఫామ్తో దూసుకెళ్తున్నాడు. తన బ్యాటింగ్ స్కిల్స్తో ఓ మంచి పవర్‌ హిట్టర్‌గా పాపులర్‌ అయ్యాడు. ఐపీఎల్లో అద్భుతమైన పెర్ఫామెన్స్తో అదరగొట్టి అంతర్జాతీయ టీ20ల్లో అరంగేట్రం చేశాడు. ప్రస్తుతం టీమ్ఇండియా టీ20 జట్టులో కీలక ప్లేయర్‌గా కొనసాగుతున్నాడు.
విలాసవంతమైన బంగ్లా కొన్న రింకూ
అయితే ఇటీవల ఐపీఎల్ రిటెన్షన్స్ ప్రకటించిన తర్వాత, రింకు తన సొంతింటి కలను నెరవేర్చుకున్నట్లు తెలుస్తోంది. అలీగఢ్లోని ఓజోన్ సిటీలో ఉన్న గోల్డెన్ ఎస్టేట్‌లో రింకూ ఓ విలాసవంతమైన బంగ్లాను కొనుగోలు చేసినట్లు సమాచారం. సుమారు 500 చదరపు గజాల ఆ ఇల్లు ఖరీదు రూ.3.5 కోట్లుగా చెబుతున్నారు. ఆ ఇంట్లో ఒక రూఫ్‌టాప్ బార్, ప్రైవేట్ పూల్, అలాగే తను ఐదు సిక్సర్‌లు కొట్టిన బ్యాట్‌ని డిస్ప్లే చేసేందుకు ఓ ప్రత్యేక స్థలం ఉందని సమాచారం. అయితే అంతకు ముందే అలీగఢ్లోని ఓజోన్ సిటీలో 200-గజాల స్థలాన్ని, 100 ఎకరాల భూమిని కొనుగోలు చేశాడు.
రింకూ సింగ్ క్రికెట్ జర్నీ ఎలా సాగిందంటే :
రింకూ సింగ్ జీవితం ఐపీఎల్ నుంచే మలుపు తిరిగింది. ఉత్తరప్రదేశ్‌లోని అలీగఢ్ ఒక సామాన్య కుటుంబంలో పుట్టి పెరిగిన రింకూ సింగ్ చాలా కష్టాలు ఎదుర్కొన్నాడు. రూ.10 కోసం ఇబ్బంది పడిన రోజులు ఉన్నాయని చాలా సందర్భాల్లో చెప్పాడు. ఈ సవాళ్లు ఉన్నప్పటికీ, క్రికెట్ పట్ల మక్కువ, కుటుంబాన్ని పోషించాలనే సంకల్పంతో ఈ స్థాయికి ఎదిగాడు. తన పవర్‌ హిట్టింగ్‌ సామర్థ్యంతో కీలక టీ20 ప్లేయర్‌గా గుర్తింపు తెచ్చుకున్నాడు.
అన్ని ఫ్రాంచైజీలు రిటైన్‌ చేసుకున్న మొత్తం 46 మంది ఆటగాళ్లలో 36 మంది భారతీయులు ఉన్నారు. వీరిలో 10 మంది ఆటగాళ్లు అన్‌క్యాప్డ్ ప్లేయర్లు కాగా, ఈ లిస్టులో అభిషేక్ పోరెల్, రాహుల్ తెవాటియా, షారుక్ ఖాన్, హర్షిత్ రాణా, మొహ్సిన్ ఖాన్, ఆయుశ్ బదోని, శశాంక్ సింగ్, ప్రభ్‌సిమ్రాన్ సింగ్, యశ్ దయాల్, రమణ్‌దీప్‌ సింగ్ ఉన్నారు.
'రిటెన్షన్స్లో భారీ ధర- తండ్రికి కొత్త ఇల్లు, కారు గిఫ్ట్'- రింకూ ఫ్యామిలీ ఫుల్ హ్యాపీ
'కోహ్లీ బ్యాట్ వల్ల నా ఇమేజ్ దెబ్బతింది - ఇకపై ఎవర్నీ బ్యాట్ ఆడగను'
