భువనగిరిలో కోమటిరెడ్డికి ఘన స్వాగతం

పార్టీ టికెట్ ఖరారైన తర్వాత మొదటిసారిగా కోమటిరెడ్డి వెంకట్​రెడ్డి భువనగిరిలో పర్యటించారు. అక్కడి కార్యకర్తలు, నాయకులు ఘన స్వాగతం పలికారు.

యాదాద్రి భువనగిరి జిల్లా లోక్ సభ నియోజకవర్గ కాంగ్రెస్ పార్టీ అభ్యర్థి కోమటిరెడ్డి వెంకటరెడ్డి.. భువనగిరికి రాగా... హైదరాబాద్ చౌరస్తా వద్ద స్థానిక కాంగ్రెస్ పార్టీ కార్యకర్తలు, నాయకులు ఘన స్వాగతం పలికారు. పార్టీ టికెట్ ఖరారైన తర్వాత మొదటి సారిగా భువనగిరికి చేరుకోగా.... నాయకులు, అభిమానులు పెద్ద ఎత్తున తరలివచ్చారు. కోమటి రెడ్డి వెంకట్​రెడ్డి హైదరాబాద్ చౌరస్తా నుంచి ర్యాలీగా బయలుదేరి పట్టణంలోని బాబు జగ్జీవన్ రావు, అంబేద్కర్ విగ్రహాలకు పూలమాల వేసి ఘన నివాళులు అర్పించారు. అనంతరం యాదాద్రి లక్ష్మీ నరసింహస్వామిని దర్శించుకున్నారు.