తెరాస కార్యకర్తలకు ప్రభుత్వ విప్​ గొంగిడి సునీత శుభాకాంక్షలు

తెరాస 20వ ఆవిర్భావ దినోత్సవం సందర్భంగా కార్యకర్తలు, అభిమానులకు ప్రభుత్వ విప్​ గొంగిడి సునీత శుభాకాంక్షలు తెలిపారు. సీఎం కేసీఆర్​ నాయకత్వంలో రాష్ట్రం.. దేశానికే ఆదర్శంగా తయారవుతోందని సునీత అన్నారు.

యాదాద్రి భువనగిరి జిల్లా తుర్కపల్లిలో ప్రభుత్వ విప్​ గొంగిడి సునీత తెరాస జెండా ఎగురవేశారు. తెలంగాణ తల్లి విగ్రహానికి పూలమాల వేశారు. తెరాస 20వ ఆవిర్భావ దినోత్సవం సందర్భంగా కార్యకర్తలకు శుభాకాంక్షలు తెలిపారు. ఉద్యమంలో జెండా పట్టుకొని తెలంగాణ ప్రజలను ఏకం చేసి రాష్ట్రాన్ని సాధించిన ఘనత సీఎం కేసీఆర్​దేనని సునీత కొనియాడారు. అన్ని రంగాలలో రాష్ట్రాన్ని.. దేశంలోనే అగ్రస్థానంలో ఉండేలా కృషిచేస్తోన్న సీఎం కేసీఆర్​కు గొంగిడి సునీత ధన్యవాదాలు తెలియజేశారు.

ఇదీ చదవండి: కోపంతో నిద్రపోవడం అంత మంచిది కాదు!