కేయూలో ఎన్​ఎస్​ఎస్​ ఓటు అవగాహన సదస్సు

వరంగల్ జిల్లాలో ఓటరు  చైతన్య  కార్యక్రమాలు  ముమ్మరంగా సాగుతున్నాయి. కేయూలో విద్యార్థులకు ఓటు హక్కు వినియోగం, తదితర అంశాలపై అవగాహన కల్పించారు. రాజ్యాంగం కల్పించిన హక్కును సద్వినియోగం చేసుకోవడమే కాకుండా ఇతరులకు కూడా చెప్తామని విద్యార్థులు తెలిపారు.

పార్లమెంటు ఎన్నికల సందర్భంగా కాకతీయ విశ్వవిద్యాలయంలో ఓటరు అవగాహన సదస్సును ఎన్​ఎస్​ఎస్​ నిర్వహించింది. వాణిజ్యశాస్త్రం సెమినార్ హాల్లో జరిగిన ఈ కార్యక్రమానికి 250 మంది విద్యార్థులు హాజరయ్యారు. రోల్ ఆఫ్ స్టూడెంట్ ఇన్ స్ట్రెంతనింగ్ ఆఫ్ డెమోక్రసీ అండ్ ఎతికల్ ఓటింగ్​పై నిర్వహించిన ఈ సదస్సులో ఎన్నికల సంఘం విధులు, పోటీ చేసే విధానం, నిబంధనలు, ప్రజాస్వామ్యంలో ఓటు హక్కు వినియోగం, ప్రాధాన్యత, ఈవీఎంల పనితీరు తదితర అంశాలపై అధికారులు విద్యార్థులకు అవగాహన కల్పించారు.

ఓటరు అవగాహన కార్యక్రమం ఎంతో ఉపయోగకరంగా ఉందని... ఎన్నో విషయాలు తెలుసుకున్నామని విద్యార్థులు తెలిపారు. ఓటు ప్రాధాన్యతపై చైతన్యం కలిగిస్తామని పేర్కొన్నారు. పోలింగ్ ముగిసే లోపు మిగతా కళాశాలల్లోనూ ఓటరు అవగాహన సదస్సులు నిర్వహిస్తామని ఎన్​ఎస్​ఎస్​ అధికారులు చెప్పారు.

ఇవీ చూడండి:'ప్రధాని కిసాన్​ సమ్మాన్'​ రెండో విడత నగదు బదిలీ