సరదాగా ఫోన్ పట్టాడు - నెమ్మదిగా బెట్టింగ్​కు బానిసయ్యాడు - చివరికి?

Student Suicide in Narsampet Online Betting : బెట్టింగ్.. సరదాగా మొదలుపెడితే.. అదే వ్యసనంగా మారుతుంది. ఒక్కసారి అలవాటైతే బయటపడటం చాలా కష్టం. ప్రస్తుతం ఎక్కడ చూసినా.. ఆన్​లైన్​ బెట్టింగ్​ల రాజ్యమే నడుస్తోందనే చెప్పాలి. ఒకప్పుడు నగరాలు, పట్టణాలకు మాత్రమై పరిమితమైన ఆన్​లైన్ బెట్టింగ్‌లు.. క్రమేణా పల్లెలకూ పాకాయి. అంతటితో ఆగకుండా విద్యార్థుల చదువులను నాశనం చేయడమే కాకుండా.. మధ్య తరగతి కుటుంబాలను ఛిన్నాభిన్నం చేస్తున్నాయి.

Student Suicide in Narsampet Online Betting : కాయ్ రాజా.. కాయ్.. వంద పెట్టండి వెయ్యి గెలుచుకెళ్లండి. ఒకప్పుడు ఎక్కడో సందుగొందుల్లో గుట్టుగా జరిగే ఈ బెట్టింగ్ వ్యవహారం.. ఇప్పుడు పలు యూట్యూబ్‌ ఛానళ్లు(YouTube Channels), వెబ్‌సైట్ల ద్వారానే కాకుండా మొబైల్‌ యాప్‌ల రూపంలోనూ అమాయకుల జేబులు కొడుతున్నాయి. ఆన్‌లైన్‌లో తారసపడుతూ వస్తున్న ప్రకటనలు క్షణాల వ్యవధిలో బ్యాంక్ ఖాతాలను (Bank accounts) ఖాళీ చేస్తున్నాయి. బెట్టింగ్​ల (Online Betting ) మోజులో పడి కొందరు కుటుంబాలను ఛిన్నాభిన్నం చేసుకుంటుంటే.. నష్టపోయిన మరికొందరు యువకులు.. అడ్డదారులు తొక్కుతూ మోసాలకు పాల్పడి జీవితాలను నాశనం చేసుకుంటున్నారు. రోజురోజుకు పెరుగుతున్న ఈ తరహా మోసాలు సామాన్య ప్రజలను కలవర పెడుతున్నాయి.

Boy Suicide in Narsampet : నేటి ఆధునిక కాలంలో యువత ఆలోచన ఎలా ఉందంటే.. తక్కువ కాలంలో ఎక్కువ డబ్బు సంపాదించాలనుకుంటున్నారు. ఈ నేపథ్యంలోనే ఆన్‌లైన్‌ బెట్టింగుల్లో పెట్టుబడులు పెడుతూ క్రమంగా ఆర్థిక నష్టాలను ఎదుర్కొంటున్నారు. ఇలా ఇబ్బందులు ఎదుర్కొనే వారిలో 18-40 ఏళ్ల వయసున్న వారే అధికంగా ఉంటున్నారు. స్నేహితుల మూలంగా, చరవాణి సహకారంతో చిన్నగా, సరదాగా ప్రారంభమైన ఈ మహమ్మారి.. ఇల్లుగుల్ల చేసేవరకు విడిచిపెట్టడం లేదు. వాటి నుంచి తేరుకునే సరికి పరిస్థితులు చేయిదాటిపోతున్నాయి. దీని ఫలితంగా వారిని నమ్ముకున్న కుటుంబీకులు దుఃఖ పీడితులు అవుతున్నారు. ఇలాంటి ఘటనే తాజాగా వరంగల్ జిల్లా నర్సంపేటలో చోటుచేసుకుంది. ఆన్​లైన్ గేమ్​లో డబ్బులు పోగొట్టుకొని అప్పు చేసిన ఓ బాలుడు ఆత్మహత్య చేసుకున్నాడు.

స్థానికులు, పోలీసులు తెలిపిన వివరాల ప్రకారం : వరంగల్‌ జిల్లా నర్సంపేట పట్టణానికి చెందిన మిట్టపల్లికి చెందిన బాలుడు ఇంటర్మీడియట్ రెండవ సంవత్సరం చదువుతుపన్నాడు. చరవాణిలో గేమ్స్ ఆడి డబ్బులు పోగొట్టుకున్నాడు. రెండు లక్షలు వరకు యాప్స్​లో అప్పులు చేశాడు. ఈ క్రమంలో అప్పులు చేసిన వియషం తల్లిదండ్రులకు తెలుస్తుందన్న భయంతో.. బుధవారం రాత్రి నర్సంపేట పట్టణంలోని మాదన్నపేట రోడ్డులోని తన ఇంట్లో ఉరివేసుకుని ఆత్మహత్య చేసుకున్నాడు.

ఆ విషయం ఇంట్లో తెలుస్తుందనే బాలుడు ఆత్మహత్య : మృతుడు లక్నేపల్లిలోని బిట్స్ కాలేజీలో ఇంటర్మీడియట్ రెండవ సంవత్సరం చదువుతున్నాడని అతని తండ్రి తెలిపారు. ఆన్​లైన్ గేమ్స్​(Online Games)కి అలవాటు పడి దాదాపు రూ.2 లక్షలు అప్పు అయిందని తమకు తెలుస్తుందనే భయంతో ఈ ఘాతుకానికి పాల్పడి ఉండవచ్చని అన్నారు. మృతదేహన్ని శవపరీక్ష నిమిత్తం మార్చరీకి తరలించిన పోలీసులు కేసు నమోదు చేసుకొని దర్యాప్తు చేస్తున్నారు.