వరంగల్‌ అర్బన్‌ జిల్లా కమలాపూర్‌ మండలం శ్రీరాములపల్లిలో వైద్యారోగ్యశాఖ మంత్రి ఈటల రాజేందర్ పర్యటించారు. గాలివాన బీభత్సానికి దెబ్బతిన్న గృహాలను మంత్రి పరిశీలించారు. గ్రామస్థులతో మాట్లాడి... పలు వివరాలు అడిగి తెలుసుకున్నారు. కాలిపోయిన గృహోపకరణాలను పరిశీలించారు.
తమను ఆదుకోవాలని పలువురు గ్రామస్థులు మంత్రిని వేడుకోగా... మంత్రి భరోసా ఇచ్చారు. ప్రజాప్రతినిధులు, అధికారులతో మంత్రి ఈటల మాట్లాడారు. గ్రామంలోని వీధుల వెంట తిరుగుతూ పరిస్థితులు పరిశీలించారు. దెబ్బతిన్న ఇండ్లు, పంట నష్టాన్ని అధికారులతో కలిసి అంచనా వేశారు.
