వరంగల్‌లో ఇటీవల యువతిని హత్య చేసిన నిందితుడిని కఠినంగా శిక్షించాలని ఎంఆర్‌పీఎస్‌ వ్యవస్థాపక అధ్యక్షుడు మంద కృష్ణ మాదిగ డిమాండ్ చేశారు. బాధిత కుటుంబాన్ని ఇవాళ ఆయన పరామర్శించారు. ఘటనా వివరాలను కుటుంబసభ్యులను అడిగి తెలుసుకున్నారు. ఇలాంటి ఘటన జరగటం చాలా బాధాకరమని విచారం వ్యక్తం చేశారు. బాధిత కుటుంబాలను ప్రభుత్వం ఆదుకోవాలని డిమాండ్ చేశారు.
రాష్ట్రంలో రోజురోజుకు మహిళలపై దాడులు పెరుగుతున్నాయని కృష్ణ మాదిగ ఆందోళన వ్యక్తం చేశారు. ఎస్సీ, ఎస్టీ, మైనార్టీ వర్గాలపై జరుగుతున్న దాడుల పట్ల ప్రభుత్వ తీరును ఖండించారు. దీనికి నిరసనగా మార్చి 8న కొంగరకలాన్‌లో ఎస్సీ, ఎస్టీ, మైనార్టీ యుద్ధబేరి సభ నిర్వహించనున్నట్లు వెల్లడించారు.
మార్చి 8న కొంగకలాన్‌లో యుద్ధభేరి సభ
ఇవీ చూడండి;బస్తీమే సవాల్: మున్సిపల్ వార్లో యువత బస్తీమే సవాల్
