కేసీఆర్ రైతు బాంధవుడు: ధర్మారెడ్డి

కేసీఆర్​ రైతు బాంధవుడని పరకాల ఎమ్మెల్యే చల్లా ధర్మారెడ్డి అన్నారు. వరంగల్​ పట్టణ జిల్లా కామారంలో  రెవెన్యూ అధికారులు నిర్వహించిన భూ సమస్యల పరిష్కార వేదికలో పాల్గొన్నారు.

వరంగల్​ పట్టణ జిల్లా ఆత్మకూరు మండలం కామారంలో రెవెన్యూ అధికారులు భూ సమస్యల పరిష్కార వేదిక నిర్వహించారు. ఈ కార్యక్రమానికి ముఖ్యఅతిథిగా పరకాల ఎమ్మెల్యే ధర్మారెడ్డి హాజరయ్యారు. పెండింగ్​లో ఉన్న భూ సమస్యల వివరాలు అడిగి తెలుసుకున్నారు. కొంతమంది రైతుల వేలిముద్రలు రావడంలేదని, కోర్టుకేసుల్లో కొన్ని భూములు ఉన్నట్లు తనదృష్టికి వచ్చాయని ఎమ్మెల్యే తెలిపారు. అన్నదాతను అన్ని విధాలుగా ఆదుకుంటున్న కేసీఆర్​.. రైతు బాంధవుడని కొనియాడారు.

ఇదీ చూడండి: ఆగస్టు 6 నుంచి అయోధ్యపై రోజువారీ విచారణ