పీజీ మెడికల్, డెంటల్ కన్వీనర్ కోటా సీట్ల ప్రవేశాల భర్తీకి కాళోజీ నారాయణరావు విశ్వవిద్యాలయం అధికారులు నోటిఫికేషన్ విడుదల చేశారు. నీట్‌ పరీక్షలో అర్హులైన అభ్యర్థులు ఈ నెల 18 నుంచి ఆన్లైన్లో ఈ నెల 25 లోపు దరఖాస్తులను పంపించాలని వర్సిటీ అధికారులు తెలిపారు.
గతంలో ధ్రువపత్రాల పరిశీలనకు అభ్యర్థులు రావాల్సి ఉండేదని.. కరోనా వ్యాప్తి దృష్ట్యా ఈ ఏడాది రిజిస్ట్రేషన్ సమయంలోనే సంబంధించిన సర్టిఫికేట్లను వెబ్సైట్లో అప్లోడ్ చేయాల్సి ఉంటుందని అధికారులు తెలిపారు. దరఖాస్తులు, ధ్రువపత్రాల పరిశీలన అనంతరం తుది మెరిట్ జాబితా విడుదల చేస్తారు. మరిన్ని వివరాల కోసం అభ్యర్థులు కాళోజీ విశ్వవిద్యాలయం వెబ్సైట్ www.knruhs.telangana.gov.in లో చూడవచ్చని తెలిపారు.
