'చాయ్​వాలా ప్రధానంటే నేనూ సంతోషించా'

రాష్ట్రానికి అధిక నిధులు, ప్రాజెక్టులు సాధించుకోవాలంటే 16 మంది తెరాస ఎంపీలను గెలిపించాలని మంత్రి ఈటల రాజేందర్​ విజ్ఞప్తి చేశారు. వరంగల్​ అర్బన్​ జిల్లా ముల్కనూర్​లో కరీంనగర్​ ఎంపీ అభ్యర్థి వినోద్​, ఎమ్మెల్యే సతీశ్​​తో కలిసి రోడ్​షోలో పాల్గొన్నారు.

2014లో ప్రధానిగా చాయ్​వాలా వస్తున్నాడంటే అందరితో పాటు తాను ఎంతో సంతోషించానని మంత్రి ఈటల రాజేందర్​ అన్నారు. పదవి చేపట్టిన తర్వాత మోదీ ప్రజలకు అన్యాయం చేశారని విమర్శించారు. వరంగల్​ అర్బన్​ జిల్లా భీమదేవరపల్లి మండలం ముల్కనూర్​లో మంత్రి ఈటల, కరీంనగర్​ ఎంపీ అభ్యర్థి వినోద్​, హుస్నాబాద్​ ఎమ్మెల్యే సతీశ్​​ రోడ్​షో నిర్వహించారు. కారు గుర్తుకు ఓటేయాలని విజ్ఞప్తి చేశారు.

రానున్న ఎన్నికల్లో ప్రాంతీయ పార్టీలే సత్తా చాటనున్నాయని కరీంనగర్ లోక్​సభ అభ్యర్థి వినోద్​ అభిప్రాయపడ్డారు. కేంద్రంలో తెరాస కీలక పాత్ర పోషిస్తుందని తెలిపారు. రాష్ట్ర ప్రయోజనాల కోసం నిరంతరం కృషిచేస్తున్నానని మరో అవకాశం ఇవ్వాలని వినోద్​ ఓటర్లను కోరారు.16 మంది తెరాస ఎంపీలను గెలిపిస్తే రాష్ట్రానికి మరింత మేలు జరుగుతుందని నేతలు స్పష్టం చేశారు.

ఇవీ చూడండి:పాక్ విమానాల్ని సమర్థంగా తిప్పికొట్టిన భారత్