గ్రేటర్ వరంగల్ నగరపాలక సంస్థ పరిధిలో ఎస్సీ, ఎస్టీ, బీసీ మహిళా ఓటర్ల గుర్తింపు కోసం ఇంటింటి సర్వే ముమ్మరంగా జరుగుతోంది. మొత్తం 66 వార్డుల్లో నగరపాలక సిబ్బంది.. ఇంటింటికీ వెళ్లి వివరాలు సేకరిస్తున్నారు. బల్దియా సిబ్బందికి తోడుగా.. రెవెన్యూ శాఖ వీఆర్వోలనూ నియమించడం వల్ల సర్వే వేగంగా జరుగుతోంది.
- ఓటర్ల సర్వే ముగింపు గడువు - ఏప్రిల్ 7
- అభ్యంతరాల స్వీకరణ - ఏప్రిల్ 11
- అభ్యంతరాల పరిష్కారం - ఏప్రిల్ 13
- వార్డుల వారీగా ఓటర్ల జాబితా ప్రకటన - ఏప్రిల్ 14
ఓటర్ల జాబితా ప్రకటన అనంతరం వార్డుల వారిగా రిజర్వేషన్లు పురపాలక శాఖ ప్రకటిస్తుంది. దీంతో ఎన్నికలకు ముందు జరిగే కసరత్తు పూర్తవుతుంది. ఉగాది అనంతరం.. రెండు మూడు రోజుల్లో గ్రేటర్ వరంగల్ ఎన్నికల నోటిఫికేషన్ వెలువడవచ్చన్న ప్రచారం జరుగుతోంది.
ఇవీచూడండి: ప్రజాక్షేత్రంలో చెమటోడ్చుతున్న అభ్యర్థులు
